Taqiqning davom etishi demokratiyaning soxtaligini fosh qilmoqda
Feysbuk sahifasi idorasi Hizb ut-Tahrir Tunis viloyati sahifasini yana bir marta yopib qoʻydi. Bu ish Islom va Paygʻambarlik minhoji asosidagi roshid Xalifalikni tiklash orqali islomiy hayotni qayta boshlash uchun harakat qilayotganlarga qarshi xalqaro kurash doirasida hamda mustamlakachi Gʻarb rejalarini fosh qilishni toʻxtatish kampaniyasi doirasida amalga oshirildi.
Bu qadamlar ularning fikr erkinligini hurmat qilishlari borasidagi yolgʻon daʼvolarining soxta ekanini fosh qilmoqda. Shuningdek, ular insoniyat uchun eng munosib mabda demokratik mabdadir degan daʼvolari yolgʻon ekanini hamda demokratiya oʻrgimchak uyasidan ham zaif ekanini fosh qilmoqda.
Feysbuk idorasining Hizb ut-Tahrir Tunis viloyati sahifasiga qarshi kurashishi bilan Hizb ut-Tahrir olib borayotgan daʼvat ular bizniki deb daʼvo qilayotgan har qanday moddiy rivojlanish va texnologik taraqqiyotdan kuchli ekanini tan olmoqda.
﴿بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ﴾
“Yoʻq, (Biz unday aybu nuqsondan pokdirmiz), Biz Haq Qurʼonni botil-jaholatning ustiga oturmiz, bas (haqiqat botilni) ezib-yanchib, banogoh (botil) yoʻq boʻlur” [Anbiyo 18]
Bu yana ularning demokratiyasi soxta ekani hamda hujjatga hujjat bilan kurashishdan ojiz ekanliklarini tan olishidir. Shuningdek Hizb ut-Tahrir sahifasini yopib qoʻyish haqni oʻchirish uchun bekordan va kulgili tarzda harakat qilayotgan repressiv diktatorlik uslublaridandir.
Sahifani yopib qoʻyish Islom va musulmonlarga qarshi nafrat borligini fosh qilmoqda. Shuningdek Gʻarb va uning islomiy yurtlardagi malaylari Islom va oʻz ahliga yolgʻon gapirmaydigan Hizb ut-Tahrirga qarshi urush olib borayotganini fosh qilmoqda.
Musulmonlar shod boʻlsinlarki, biz oʻz ahdimizda sodiqmiz. Hiylakorlarning hiylasi va gʻarazlilarning gʻarazi bizga zarar yetkaza olmaydi. Ularning zarba va ozorlari bizning himmatimizni oshiradi. Shuningdek ushbu badboʻy va buzuq rejimni oʻzgartirish hamda Paygʻambarlik minhoji asosidagi roshid Xalifalik davlatini tiklash sari qadamlarimizni mustahkamlaydi.
يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ * هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ
“Ular Allohning nurini (yaʼni, Islomni) ogʻizlari (yaʼni, behuda gaplari) bilan oʻchirmoqchi boʻladilar. Alloh esa, garchi (kofirlar) xohlamaslar-da, faqat Oʻz nurini toʻla (yaʼni, har tarafga) yoyishni istaydi. U (Alloh) Oʻz paygʻambarini hidoyat va haq din bilan – garchi mushriklar xohlamasalar-da – barcha dinlarga gʻolib qilish uchun yuborgan zotdir” [Tavba 32-33]
Hizb ut-Tahrirning Tunisdagi matbuot boʻlimi
