Shimoliy Atlantika harbiy alyansi (NATO) 16 may kuni O’zbekiston poytaxtida o’z vakolatxonasini rasman ochadi.
Harbiy alyans vakolatxonasining ochilish marosimida NATO Bosh kotibining Markaziy Osiyo va Kavkaz bo’yicha vakili Jeyms Appaturay qatnashadi.
O’zbekiston NATOning “Tinchlik yo’lida hamkorlik” dasturiga 1995 yilda a’zo bo’lgan. 2008 yili NATO O’zbekiston bilan mamlakatda saqlanayotgan 1100 tonna melanj-qorishmani xavfsiz ravishda yo’q qilish to’g’risida kelishuv tuzdi. Sovet davrida reaktiv yoqilg’i oksidlovchisi sifatida ishlatilgan bunday o’ta zaharli modda zahiralari juda yomon sharoitda saqlanayotgan hamda atrof-muhit va mahalliy aholi sog’ligiga salbiy ta’sir ko’rsatayotgan edi.
2009 yilda O’zbekiston Afg’onistonda bosqinchilik urishini olib borilayotgan Amerika boshchiligidagi xalqaro kuchlarni ta’minlab turuvchi “shimoliy tarmoq”qa qo’shilgan.
Markaziy Osiyo mintaqasida tutgan muhum o’rni, ulkan er usti va osti boyliklariga ega bo’lgani hamda Afg’onistonda olib borayotgan bosqinchilik urishida asosiy ta’minot O’zbekiston orqali o’tgani sababli G’arb davlatlari prezident Karimovning barcha jinoyat va kirdikorlaridan ko’z yumib kelishadi.
