Gallant: Ramazon Jihod oyi ekanligini bilamiz
(Isroil) mudofaa vaziri Yoav Gallant muqaddas Ramazon oyida musulmonlarga yo‘llagan murojaatida, ushbu oy musulmonlar nazdida Jihod oyi ekanligini bilishini ta’kidlar ekan, (Isroil) bundan qo‘rqmasligiga urg‘u berdi. Shuningdek, Galland (Isroil) har qanday tahdidga tayyorligini aytib, unga qarshi Jihod boshlagan taraf katta hato qilishidan dushmanlarini ogohlantirdi.
“Ramazon oyi Qur’on nozil bo‘lgan muhim oydir… Biz Ramazon Jihod oyi ekanligini bilamiz. Bizni sinab ko‘rishni o‘ylayotgan barchaga aytamizki, biz bunga tayyormiz, lekin kim shunday o‘ylayotgan bo‘lsa, katta xato qiladi”, deya tahdid qildi Gallant.
Izoh: O‘z-o‘zidan ma’lumki, Gallantning tahdidi faqat G‘azodagi mujohidlarga yoki faqat Falastin xalqiga qaratilgan emas. Chunki, shundoq ham, G‘azodagi mujohidlarning yahudiy vujudiga qarshi Jihodlari davom etmoqda. Shubhasiz Gallantning bu tahdidi butun musulmonlarga va ularning ustidagi qo‘rqoq hukmdorlarga qaratilgan. Buni Gallantning “barchaga aytamizki” degan so‘zi ham ta’kidlab turibdi.
Alloh peshonasiga sharmandalik tamg‘asini bosib qo‘ygan bu pastkash, qo‘rqoq yahudiy vujudi Islomiy o‘lkalarning hukmdorlari orasida o‘zlariga qarshi Jihod e’lon qiladigan yetakchi yo‘qligidan shunchalik ishonchi komilki, hatto ikki milliarddan ortiq musulmonlarga ochiqchasiga tahdid qilishga jur’at qilmoqda. Chunki Islomiy o‘lkalarning bugungi hukmdorlari horlik va qo‘rqoqlik borasida yahudiylardan ham o‘zib ketdi.
Bu hukmdorlar Ummat boshida turar ekan, Ramazon oyi Jihod oyi bo‘la olmaydi. Buni yahudiy vujudi juda yaxshi biladi. Shuning uchun ham qirg‘inlarini muborak Ramazon oyida ham bemalol davom ettirmoqda. Shunday ekan Tarixda Ramazon oyining deyarli har bir kunini nusrat va g‘alaba bilan o‘tkazgan bu jasur Ummatga bunday rahbarlar yetakchilik qilishga noloyiqdir. Bunday paytda Islom Ummatining birlamchi vazifasi, boshqaruvni kuch bilan egallab olgan, biroq ochlik va suvsizlikdan o‘layotgan G‘azo ahliga bir qultum suv yoki bir burda non yetkazib berishdan ojiz bo‘lgan “soni bor salmog‘i yo‘q” hukmdorlarni qulatib, Islomiy o‘lkalarni bitta bayroq ostida Allohning hukmlari bilan boshqaradigan va Jihod orqali da’vatni butun olamga yoyadigan Xalifalik davlatini tiklash uchun jiddu-jahd bilan harakat qilishdir. Ha, musulmonlar Ramazon oyida saxovatga va ibodatga qanchalik ko‘p e’tibor qaratayotgan bo‘lsa, farzlarning toji bo‘lgan Xalifalikni tiklashga yanada ko‘proq e’tibor qaratishlari lozim. Qachonki, Xalifalik davlati tiklansagina Ramazon oyi takror Jihod oyiga aylanib, tarixda bo‘lgani kabi ulkan zafarlar amalga oshiriladi. Rosululloh ﷺning Rimning fath qilinishi haqidagi bashoratlari ro‘yobga chiqib, insonlar tup-to‘p bo‘lib Islomga kiradi.
Zohid Zargar
