Imron Xonning Pokiston ahli iqtisodini tuzatish uchun koʻrayotgan choralari sarob ustiga qurilgan
Pokiston bosh vaziri Imron Xon bunday dedi: “Sizga shuni alohida taʼkidlamoqchimanki, yaqinda yetakchi iqtisod sifatida namoyon boʻlajak davlat Pokiston boʻladi”.
Oʻz navbatida, Hizb ut-Tahrir – Pokiston viloyati matbuot boʻlimi bayonot chiqarib, unda quyidagilarni taʼkidladi:
“Imron Xonning doim qoʻllab kelgan bu muolajalari sarob ustiga qurilgan. Bu kimsa, faqat vaqtdan yutmoqchi boʻlyapti, xolos. Toki, shu vaqt mobaynida mustamlakachilar iqtisodiyotimizni oyoq osti qilishga, rejim ham musulmonlarning yetakchi iqtisod sifatida rivojlanishlariga toʻsiq qoʻyishga muvaffaq boʻlsin. Chunki Imron Xon milliy davlat mafkurasiga rioya qiladi. Holbuki, milliy davlat musulmon yurtlarini Paygʻambarlik minhoji asosidagi roshid Xalifalik soyasida birlashtirish orqali ulkan iqtisodiyot imkoniyatlaridan foydalanishiga toʻsqinlik qiluvchi davlatdir”.
Hizbning matbuot bayonoti musulmonlarga murojaat yoʻllash bilan tamomlandi:
“Milliy davlat, degan tushuncha Ummat kuch-qudrati va harakatini falaj ahvolga olib keldi. Chunki bu tushuncha, Xalifalik davlatining quloch yoyishiga qarshi kurashish uchun oʻylab topilgan gʻarbcha tushuncha hisoblanadi. Masalan, Usmoniy Xalifalik davlati qulatilganidan soʻng Gʻarb milliy davlat tushunchasini Ummat tanasiga saraton misol yuqtirdi. Saraton kasalligi Ummatni mustamlakachilar oldida holdan toydirdi… Oqibatda ular Ummatni boʻlib tashlashga va ustidan hukmronlik qilishga muvaffaq boʻlishdi. Islom esa, barcha musulmon yurtlarini bitta davlatda, bitta qishloq xoʻjaligi, bitta sanoat va bitta qurolli kuchlarda birlashtirishga buyurgan. Shuning uchun biror markazlashuv nuqtasida Xalifalik davlati barpo boʻlsa, albatta barcha musulmon yurtlarini birlashtirish siyosatini qabul qiladi hamda bu yurtlar oʻrtasiga mustamlakachilar tomonidan tortilgan chegaralarini yoʻq qiladi”.
Roya gazetasining 2019 yil 5 iyun chorshanba kungi 237-sonidan
