Hizb ut-Tahrir – Belgiya fikriy-siyosiy seminar oʻtkazdi
Hizb ut-Tahrir – Belgiya hijriy 1440 yil 1 shaʼbon, milodiy 2019 yil 7 aprel yakshanba kuni Belgiyaning Ligi shahrida “Insonlar uchun chiqarilgan eng yaxshi Ummat” nomli fikriy siyosiy seminar oʻtkazdi. Ushbu seminar Xalifalik davlati agʻdarilishining 97 yilligi munosabati bilan Hizb ut-Tahrir tomonidan olib borilayotgan xalqaro tadbirlar doirasida oʻtkazildi. Maʼlumki, Hizbning ayni xalqaro tadbirlaridan mustamlakachi kofirning Rosululloh ﷺ barpo etgan davlatni qulatishdagi rolini musulmonlarga eslatish, bu davlatning qulashi ortidan musulmonlarning zaiflik, boʻlinish va nizolardan boshi chiqmay qolganini taʼkidlash hamda uning qulashi sababli ushbu davlatni qayta barpo etishga ularning gʻayratini qoʻzgʻash maqsad qilindi.
Boshdan oxirigacha aziz mehmonlar bilan toʻlgan zaldagi yigʻin Qurʼoni Karim oyatlarini tilovat qilish bilan boshlandi. Keyin ustoz Muhammad Yosin “Insoniyatning vahiga boʻlgan ehtiyoji” nomli maʼruza taqdim etdi. Maʼruzada mana shunday vahiga imon keltirgan Ummatning qanday qilib butun bashariyatga yetakchilik qila olishi, uni haqiqiy uygʻonishga yetkazish masʼuliyatini oʻz zimmasiga olganligi aytilgan. Ikkinchi maʼruzani seminarning Turkiyadan tashrif buyurgan mehmoni shayx Abdulloh Imom Oʻgʻli taqdim etdi. Shayx oʻz maʼruzasida Islom Ummati oʻzining insonlar uchun chiqarilgan eng yaxshi Ummat darajasiga qaytishi uchun mustamlaka botqogʻidan qanday qutula olishini bayon qildi. Soʻng, Paygʻambarlik minhoji asosidagi roshid Xalifalik davlatini barpo etish orqali islomiy hayotni qayta boshlashning naqadar muhimligini, musulmonlarning ushbu taqdiriy masalalarini hal etish yoʻli Ummatning qayta rivojlanib, oʻzining yuksak darajasiga chiqish va shaʼnini qayta tiklashdan iborat ekanini yoritib berdi. Shuni alohida taʼkidlash lozimki, shayx Abdulloh oʻz nutqi nihoyasida, Xalifalik va xalifalar tarixidan koʻplab misollar keltirib oʻtdi.
Roya gazetasining 2019 yil 11 aprel chorshanba kungi 230-sonidan
