Suriya haqidagi savolga javob
Assalomu alaykum musulmon birodarlar. Alloh sizlardan rozi boʻlsin va solih amallaringiz uchun oxiratda sizlarni ulkan ajr-mukofotlar bilan siylasin.
Savol: bugungi kunda Suriyani bombalayotgan davlatlarning asosiy maqsadi nima?
Javob: Va alaykum assalom.
Suriyada urush olib borayotgan xalqaro siyosatda taʼsir kuchiga ega mamlakatlar asosan ikki yoʻnalishda va ikki xil maqsadda ish olib borishyapti.
Birinchisi: Suriyada harbiy va siyosiy harakat olib borayotgan yirik davlatlar (AQSh, Rossiya…) xalqaro siyosatdagi oʻz mavkelarini kuchaytirish yoki saqlab qolish maqsadida faoliyat olib borishyapti. Yaʼni, ularning har biri faqat oʻz manfaatlaridan kelib chiqib, siyosiy va harbiy harakatlar olib borishyapti. Bundan tashqari, mustamlaka talashish, neft tarmogʻi orqali xalqaro siyosatga taʼsir koʻrsatish singari har bir yirik mamlakatning oʻziga xos manfaatlari ham bor. Xulosa qilib aytadigan boʻlsak, Suriyada AQSh boshchiligidagi Gʻarb davlatlari oʻzaro bir-birlari bilan hamda Rossiya bilan manfaat talashishyapti. Suriya va u yerdagi musulmon fuqorolar olamiy yetakchi kufr davlatlar ortasidagi urushda front maydoni kabi poligonga aylanib qoldi.
Ikkinchisi: Kufr olamiy sistemasi Islomiy mabdaiy sistemaga qarshi yalpi urush olib bormoqda. Yaʼni, Suriyada kufr bilan Islom oʻrtasidagi mafkuraviy kurash boryapti. Bu tarmoqda xalqaro siyosat va butun kufr sistemasi ham, davlatlari ham, paralel bir maqsad sari birgalikda harakat olib borishmoqda. Mafkuraviy kurash Islomiy mabdaiy fikriy yetakchilikka qarshi qaratilgan boʻlib, Shomda shu mabdaʼiy Islomiy fikriy muhit kuchayib borayotganligi bois, unga qarshi harbiy qirgʻinbarot urush eʼlon qilindi.
Demak, Suriyada urush olib borayotgan mamlakatlarning asosiy ikki yoʻnalishda ikki hil maqsadlari bor. Birinchisi har birining oʻz oʻzicha moddiy manfaatlari boʻlsa, ikkinchisi hammasi bir boʻlib Islomning mafkuraviy fikriy yetakchiligiga va Islomiy mabdaʼiy muhitga qarshi olib borilayotgan kurashlaridir. Masalan “IShID” tashkilotini paydo qildi va uning nomidan jirkanch qotilliklarni suratga olib butun dunyoga tarqatdi. Kufrning bu ishdan koʻzlagan maqsadi islomiy davlat sifatida uyushgan mujohidlar timsolida, Islom davlatini butun olamga badnom qilishdir. Bu mafkuraviy kurash boʻlib, asosan AQSh tomonidan juda katta ahamiyat bilan olib borilyapti.
AQShning Frantsiya va Angliya bilan birgalikda Suriyaga qarata uyushtirgan hujumi Rossiyaga qaratilgan siyosiy va harbiy harakatlardir. Lekin achinarli joyi shundaki, har ikki yoʻnalishda olib borilayotgan va kufr manfaati va maqsadlarini roʻyobga chiqarayotgan bu harakatlar va qirgʻinbarot urushlar islomiy yurtlarda olib borilyapti. Natijada millionlagan Musulmonlar qurbon boʻlmoqda, yurtlari vayron boʻlib, qochqinlarga aylanmoqda. Bu ishlar olamiy kufr sistemasining ishtiroki va hamkorligi bilan olib borilyapti. Demak bu olamiy harakatga qarshi olamiy islomiy vujud sifatida harakat olib borish kerak. Yaʼni, butun dunyo musulmonlari Suriyada yuz berayotgan kufr zulmlariga qarshi olamiy iymoniy muhitdan turib, bir maqsad sari harakat olib borish kerak.
Suriyada olamiy kufr sistemasi urush olib boryapti. Bu sistema dunyoning har bir yeridagi mamlakatlarni boshqarib keladi. Shuning uchun unga qarshi mabdaiy kurash olib bormoqchi boʻlgan har bir musulmon uchun, oʻz yurtida turib kufr olamiy sistemasiga qarshi kurashish imkoniyati bor. Bundan qoʻrqqan kufr sistemasi, oxirgi vaqtda “anʼanaviy, moʻʼtadil” nomi bilan yangi programma asosida ish boshladi. Ularning asosiy maqsadi, olamiy kufr sistemasining musulmonlarga qarshi olib borayotgan zulmlaridan ummatni chalgʻitish va ularni vatanparvarlik, millatchilik asosidagi buzuq islomiy muhitga olib kirish orqali juzʼiy masalalar bilan oʻralashtirib, iymonini xotirjam qilib qoʻyishdan iboratdir.
Demak har birimiz oʻz yurtlarimizdan turib, olamiy kufr boshqaruv sistemasiga qarshi islomiy mabdaʼiy siyosiy kurash olib borishimiz zarur. Bu bilan, Suriyadagi musulmon birodarlarimiz bilan bir safda turib olamiy kufr sistemasiga qarshi kurashayotgan boʻlamiz, insha Alloh. Faqat shu yoʻnalishda olamiy ish harakat va daʼvat olib borish bilangina, biz Suriya va yana boshqa yurtlardagi mazlum musulmon birodarlarimizga yordam berayotgan boʻlamiz. Shuningdek, mazlum birodarlarimizning haqqini ado qilyapmiz degan umidda, Allohning rahmati va marhamatidan umidvor boʻlib qolamiz!
