Qirgʻizistonda Musulmon mahbuslarga nisbatan zulm kuchayib bormoqda
Qirgʻiziston hokimiyati ozodlikdan mahrum qilingan musulmonlarni hech qanday sud hukmisiz, turma xududi ichidagi jazo kameralariga (ShIZOga) qamab qoʻyapti. Qirgʻiz hukumati qamoqdagi musulmonlarga nisbatan noqonuniy tarzda, umurbod qamalganlar va oʻlimga hukm qilingarlar uchun qoʻllaniladigan jazo choralarini qoʻllay boshladi. Sud tomonidan jazo muddatini umumiy koloniyada oʻtkazishi belgilangan 150 nafardan ziyod islomiy mahbuslar hozirda yopiq rejimga qamab qoʻyilgan. Mahbuslarni bir kunda faqat bir yarim soatga, osmonni koʻrib turadigan ochiq havoga olib chiqishadi. Qolgan vaqtda ularni yopiq kameralar ichiga qamab qoʻyishadi.
Bu sharoitlar noqonuniy ekanligidan arz qilib, prokuroturaga yozilayotgan shikoyatlar javobsiz qolmoqda. Inson huquqlari tashkiloti esa, faqat Asqarovni ozod qilish harakati bilan ovvora. Musulmonlarga adovatli boʻlgan bu nodavlat tashkilotlar oʻzlarining hamkasbi uchun nimalarga qodir ekanini koʻrsatishayapti. Lekin musulmonlarga Islomi uchun jazo qoʻllashda haddidan oshib borayotgan hukumat va organ xodimlarining zulmlarini koʻrishmayapti. Toʻgʻrirogʻi koʻrib turib, koʻrmaslikka olishyapti.
Prezident ham, prokurotura va hukumat ham bu ishlarni qoʻrqmay amalga oshirishlariga qaraganda, xalqaro siyosat yetakchilarining oʻzlari bu gʻalamis amaliyotlar uchun keng yoʻl ochib berishgan. Bu holat yaqinda Piterda boʻlib oʻtgan forumda Frantsiyaning sobiq prizidenti Sarkoziyning bayonotidan ochiq oshkor boʻldi.
“Biz musulmonlarning fikrlaridan kelib chiqayotgan dunyoqarashlariga qarshimiz. Shunday boʻla turib, ularni boshqa mahbuslar bilan birga saqlab turishimiz mumkin emas. Ularni alohida, maxsus kameralar nazorati ostida va jonli aygʻoqchilar bilan qattiqroq rejimda ushlash kerak” dedi Sarkoziy gʻaraz bilan toʻla nutqida.
Demak, musulmonlarga qilinayotgan zulm olamiy kufr sistemasining taʼlimoti va koʻrsatmalari ostida olib borilyapti. Ular oʻzlarining mafkuralaridan voz kechib, har qanday erkinliklarni oyoqosti qila boshlashdi. Ilgari bu ishlarni ular yashirin olib borishar, qalbaki boʻlsa ham, musulmonlarning eʼtiqodiy va fikriy erkinliklarini tan olishayotgandek ish olib borishar edi. Endi kufr olami musulmonlarga qarshi ochiq kurash maydoniga chiqdi. Oʻz gumashtalari boʻlgan musulmonlardan ham ochiq kufr pozitsiyalarini himoya qilishni talab qilishyapti. Ular bunday musulmonlarga “moʻʼtadil islomchilar” deb nom qoʻyib olishgan.
Qirgʻizistonga Angela Merkel kelganida ham, mahbuslar muammosi koʻtarilmadi. Merkel Atambayevga moʻʼtadil islomchilarni ehtiyot qilish kerak deb maslahat berdi xalos. Lekin mazlum musulmonlarchi.., hatto jinoyatchi insonlarning ham haq huquqlari boʻladiku.
Atambayev musulmonlar bilan oʻzining oʻrtasidagi jarlikni kun sayin kengaytirib boryapti. Bu uning uchun oʻta yomon oqibatlarga olib kelishi mumkin. Uning qamoqdagi musulmonlarga qarshi jazo chorasini hali hech bir kufr yurtlari ham boshlagani yoʻq. Qirgʻiz hokimiyati musulmonlarni eshitishdan bosh torta boshladi. Bu esa, davlatchilikning yoʻq boʻlib borayotganidan dalolat beradi. Chunki davlat oʻz fuqorolariga bir xil muomila qila olishi kerak. Bular esa, hatto turmadagi mahbuslarni ham bir xil sharoitda ushlay olishmaydi. Hammasi uchun bir xil sud qarori boʻla turib, ularning bazilarini boshqa rejimda ushlab kelishayapti. 90% musulmonlarga yetakchi boʻlib turgan siyosatchining musulmonlarning haq huquqlariga tajovuz qilishi, ularni va ularning qadriyatlarini yomon koʻrishi – bu yetakchilik haqiqiy yetakchining qoʻlida emasligidan dalolat beradi.
Abdurazzoq.
