Prezident matbuot xizmatining xabar qilishicha, Almazbek Atambaev ish safari bilan Qozig’istonga uchib ketgan.
Ish safari doirasida Atambaev 16 oktyabr kuni bo’lib o’tadigan Mustaqil Davlatlar Hamdo’stligi (MDH) davlat rahbarlari kengashi va Yevroosiyo iqtisodiy ittifoqi oliy kengashi yig’ilishida ishtirok etadi.
Rasmiy xabarlarga ko’ra, MDH sammiti kun tartibida jami 17 masala ko’rib chiqiladi. Dastavval MDH rahbarlari tor doirada BMT tashkil topganini 70 yilligi munosabati bilan bayonot, xalqaro terrorizmga qarshi kurash to’g’risidagi bayonot, keyingi yilda MDH raislik qilish va MDH davlat rahbarlarining keyingi yig’ilishi o’tadigan joy masalasini muhokama qilishadi.
Shuningdek, sammitda MDHga a’zo mamlakatlar orasida 2020 yilgacha harbiy hamkorlik kontseptsiyasining qabul qilinishi, tashqi chegaralar xavfsizligini ta’minlash bo’yicha 2016-2020 yillarga mo’ljallangan dastur hamda favqulodda holatlar oldini olish bo’yicha hamkorlik dasturining tasdiqlanishi kutilmoqda.
