Turkiyaga uyushtirgan ish safari natijalari bo’yicha jurnalistlar bilan bo’lib o’tgan uchrashuvida Qirg’iziston prezidenti Almazbek Atambaev, “Gazprom” Qirg’iziston janubi uchun zarur bo’lgan gazni topishini xabar qildi.
“Mamlakat janubini gaz bilan ta’minlash masalasi jamiyatda tebranishni paydo qilib turipti. Hatto “Qirg’izgaz”ni qaytarib olish va O’zbekiston bilan gaz etkazib berish bo’yicha muzokaralarni boshlash kerakligi haqida yozishmoqda. Unda Qirg’iziston doimiy so’rovchi holatida bo’lib qoladi. Biz o’z mavqeyimizni belgilab olishimiz kerak. Biz u yoq-bu yoqqa yugurishimiz kerakmi yoki mustaqillik va xavfsizlik muammolarini xal etishimizmi? O’ylashimcha bir, ikki, uch oy sabr qilishimiz kerak. Muammo xal bo’ladi”, – dedi Atambaev.
Uning so’zlariga ko’ra, bundan uch yil oldin, Qirg’iziston butunicha o’zbek gaziga qaram bo’lganida vaziyat bundan ham yomon bo’lgan. Hozir har qalay Qirg’iziston shimoli bundan qutqarib qolingan, u erda gaz o’chgani yo’q.
“Barcha fuqarolar tushinishi va sabr qilishi kerak. O’z mamlakati uchun negizgi masalalarni xal etish bir oz sabrni talab qiladi. Masalan, gazda emas elektroplitada ham ovqat tayyorlash mumkin. Nahotki bu fojia bo’lsa? Biz to’liq mustaqillika erishishimiz zarur, shu jumladan gaz bo’yicha ham. Agar O’zbekiston qaysarlikda davom etadigan bo’lsa, unda butun dunyo birlashib shimoldan janubga gaz turubalarini tortib kelamiz, lekin gaz bo’ladi. Biz mustaqil davlat bo’lamizmi yoki yo’qmi buni belgilab olishimiz kerak. To’liq mustaqillikka eltuvchi yo’l tikanlar bilan qoplangan bo’ladi”, – deya tushintirish berib o’tdi prezident.
Prezidentning mazkur bayonoti bilan bir kunga to’g’ri kelgan “Ata Jurt” parlament fraktsiyasi yig’ilishida “Qirg’izgaz” kompaniyasining rahbari Turg’unbek Qulmirzaev O’zbekistonning So’x anklaviga tabiiy gaz etkazib berishni to’xtatishni taklif qildi. Uning so’zlariga ko’ra, O’zbekiston tomoni qirg’iz hamkasblarini telefon qo’ng’iroqlariga ham javob bermayapti.
“Bizda ham ta’sir o’tkazish dastagi bor. 27 ming iste’molchi yashaydigan So’x anklaviga gaz etkazib berishni to’xtatib qo’yish imkoniyati bor. U erga gaz Qirg’iziston hududi orqali etkazib beriladi. “Gazprom” yana bir hafta kutishniva shundan so’ng bunday chorani qo’llashni taklif qilmoqda”, – dedi Qulmirzaev.
