Pokiston Oliy sudi chorshanba kuni Bosh vazir Raja Parvez Ashrafni korruptsiyaga aloqadorlikda ayblab qo’lga olishga buyruq berdi. Oliy sud qarori islomiy ulamo Muhammad Tahirul Qadriy etakchilik qilayotgan norozilik aktsiyasi paytiga to’g’ri keldi. Ba’zilar Muhammad Tohirul Qodriyga nisbatan hukumatni ag’darish uchun harbiylar tomonidan ilgari surilgan shaxs, degan shubhada.
Oliy sud 2008 – 2011 yillarda suv va energetika loyihalari bilan bog’liq korruptsiyaga aloqadorlik bo’yicha ayblab, Raja Parvez Ashraf bilan yana 16 nafar boshqa rasmiyni qo’lga olish haqida ko’rsatma berdi. “Geo” informatsion kanalining xabar qilishicha, mahkama milliy tergov bo’limiga bosh vazirni chorshanba kuni ertalab olib kelish topshirig’ini bergan. Iyun oyida bosh vazir lavozimini egallagan Raja Parvez Ashraf energetika loyihalarini taSdiqlash uchun shirkatlardan pora olganligi haqidagi ayblovni rad etmoqda.
Bosh vazir Parvez Ashraf poraxo’rlik ayblovi bilan qo’lga olinishi haqida buyruq berilgan bir payda uning noibi Favod Tashudriy “oliy mahkama bilan qo’shin birlashib hokimiyatni qulatish ustida ish olib bormoqda”, deya bayonot berdi.
Bir tarafdan Seshanba kuni Islomobodda o’z tarafdorlari oldida chiqish qilgan islomiy ulamo Muhammad Tohrirul Qodriy hukumatga iste’foga chiqish haqida ultimatum qo’ydi.
Muhammad Tohrirul Qodriyning Islomobodga yig’ilgan minglab tarafdorlariga aytishicha, hukumatni bir necha soat ichida ag’darish mumkin.
