بِسْمِ اللهِ الرَّحْمٰنِ الرَّحِيمِ
Tahriri Shom hayʼati xavfsizlik xizmati ustoz Nosirshayx Аbdulhayni qamoqqa oldi
Tahriri Shom hayʼati xavfsizlik xizmati payshanba kuni Gʼarbiy Halabning Аrtob shahrida Hizb ut-Tahrir – Suriya viloyati matbuot boʼlimi aʼzosi ustoz Nosirshayx Аbdulhayni qamoqqa oldi. Bu haqda Hizb ut-Tahrir – Suriya viloyati matbuot boʼlimi raisi ustoz Аhmad Аbdulvahhob bunday deydi:
«Tahriri Shom hayʼati xavfsizlik xizmati ustoz Nosirshayx Аbdulhayni Turkiya tashqi ishlar vaziri Chovushoʼgʼlining bayonotiga qarshi haq soʼzni aytishi ortidan Аrtob shahridagi uyidan oʼgʼirlab ketdi. Vaholanki, bu hayʼatning oʼzi nasroniylarning marosimlarini, Rossiya patrul xizmatlarini va hayosiz jurnalist ayollarni himoya qilib kelmoqda.
Oʼsha kuni kechqurun Аrtobning oʼnlab aholisi Tahriri Shomga qarashli politsiya uchastkasi oldida ustozni ozod etilishini talab qilib namoyish oʼtkazdi. Juma namozidan keyin ham Аrtob shahrida koʼp sonli xalq namoyishi uyushtirilib, hayʼat yetakchisi Juloniydan qamoqqa olinganlarni, xususan, ustoz Аbdulhayni ozod etilishi talab qilindi. Namoyishchilar hayʼatga qarshi hayqirib, uning xavfsizlik xizmatini «shabiha» (qaroqchilar), deya atashdi. Dayrhasson shaharchasida ham Hizb ut-Tahrir aʼzolari Nosirshayx Аbdulhayning oʼgʼirlab ketilishiga qarshi namoyish uyushtirdilar. Namoyishda koʼtarib chiqilgan plakatlarda haq soʼz aytganlarning ozod etilishi talab qilindi hamda jangchi guruh yetakchilari qoʼllayotgan «ogʼiz ochirmaslik» siyosati qoralandi.
Roya gazetasining 2022 yil 7 sentyabr chorshanba kungi 407-sonidan
