Rossiya va Qirg‘iziston terrorizmga qarshi birgalikda kurash olib boradi
Rossiya va Qirg‘iziston terrorizmga qarshi birgalikda kurash olib boradi. Bu haqda Rossiya tashqi ishlar vazirligi xabar berdi. Xabarda aytilishicha, Bishkekda uchrashgan ikki davlat tashqi ishlar vazirlarining o‘rinbosarlari Aleksandr Grushko va Aybek Moldogaziyev Markaziy Osiyo va boshqa mintaqalardagi holat hamda Yevropadagi vaziyatni muhokama qilgan.
“Markaziy Osiyoda barqarorlikni saqlash, radikalizm, terrorizm bo‘yicha davlatlararo tahdidlarga qarshi kurashish hamda YEOII, KXSHT, SHHT rolini oshirish va ushbu tashkilotlar doirasida o‘zaro munosabatlarni mustahkamlash muhokama qilindi”, deyiladi xabarda. Shuningdek Qirg‘iziston va Rossiya o‘rtasida biologik xavfsizlik sohasida ham hamkorlik masalasi ko‘rib chiqilayotgani ayilmoqda.
Izoh: Birinchi prezident Askar Akayevdan tortib, hozirgisi Sadir Japarovgacha bo‘lgan prezidentlarning kelish va ketishi Rossiyaga bog‘liq. Mahalliy rahbarlarning “biz mustaqilmiz” deb ko‘kraklariga urishi xalqni aldashdan boshqa narsa emas. Rossiya avvaldan Qirg‘izistonni o‘zining hom-ashyoviy bazasi sifatida ko‘rib kelgan. Siyosiy tomondan ham bilvosita boshqarib keladi. Yuqorida da’vo qilingan “Terrorizm”ga qarshi kurashda ham xuddi shunday bo‘lishi tabiiydir.
Kufr olamining “terrorizm” deganda, Islomni nazarda tutishiga qaraganda, Rossiya va Qirg‘iziston hukumatlari birgalikda “terrorizm va ekstremizmga qarshi kurash” niqobi ostida Qirg‘izistonda Islomga qarshi kurashini kuchaytirishlari ehtimoldan holi emas. Buning uchun Moskvada sodir etilgan “terror” harakatlari kabi qalbaki vahimalarni bahona qilishi mumkin.
Aslida Rossiyaning o‘zi, AQSH va Angliya kabi dunyodagi birinchi raqamli terrorist davlatlardan biridir. Bularning kasofatidan yuz minglab insonlar qatl qilindi va millionlab musulmonlar boshpanasiz qoldi. Ammo shu terrorchi davlatlar musulmonlarga qashi kurashda soxta “terrorizm” va “ekstremizm” tahdidini imkon qadar bo‘rttirib ko‘rsatib kelishmoqda. Biz musulmonlar albatta, bu kabi fitnalardan ogoh bo‘lishimiz, xalqaro va mintaqaviy siyosiy vaziyatlardan voqif bo‘lib, mustamlakachi kofirlarning ustimizdan o‘yin qilishlariga yo‘l qo‘ymasligimiz zarur. Bu esa bizdan siyosiy hushyorlikni talab qiladi.
Shuningdek, biz musulmonlar avvalo ushbu mustamlakachi davlatlar ta’siridan qutulishga harakat qilishimiz shart. Qutulishning yagona yo‘li esa, Islom dinimizga qaytib, Uning hukmlarini hayotimizga tatbiq qilishga harakat qilishdan iboratdir.
Abdurahmon Odilov
