بِسْمِ اللهِ الرَّحْمٰنِ الرَّحِيمِ
Oʼz ahlini hargiz aldamaydigan yetakchi tiniq loyiha egasi boʼlib, u Shom qoʼzgʼoloniga yetakchilik qilishga haqlidir
Ustoz Аhmad Suroniy
Turkiya tashqi ishlar vaziri Chovushoʼgʼlining qonxoʼr rejim bilan sulh tuzish toʼgʼrisidagi chaqirigʼidan soʼng yuzaga kelgan norozilik namoyishlarini kuzatib borayotgan kishi shunga guvoh boʼladiki, ozod etilgan hududlardagi juda koʼp qoʼzgʼolonchilar oyoqqa turib, Shom qoʼzgʼoloni ishlariga burun suqishdan turk rejimini tiyib qoʼyishni talab qilishdi. Biz shuningdek, jangchi guruhlar yetakchilarining ishdan olinishini hamda yetakchilikni shunga loyiq boʼlgan va qoʼzgʼolonning oʼzgarmas maqsadlarini va Shom ahlining istaklarini roʼyobga chiqaradigan kishilarga berilishini talab qiluvchi ovozlarni ham eshitdik. Zero, Shom ahli istaklari frontlarni ochish, rejimni agʼdarish va oʼn bir yildan beri tobora murakkablashayotgan qirgʼin, qochqinlik, qamoq va achchiq-alamli hayotdan qutulishdan iborat.
Shularning barchasidan soʼng muhim bir savol tugʼiladi: Xoʼsh, hozirda qoʼzgʼolon uchun yasalgan bu xoin yetakchilarga muqobil hamda qoʼzgʼolonni xavfsizlik qirgʼogʼiga olib chiqishga loyiq qanday yetakchilik bor?
Аvvalo, qoʼzgʼolonning siyosiy yetakchiligining turk rejimiga mahkum boʼlib qolganini taʼkidlamoq lozim. Haqiqatda, xoh shimoliy Halabdagi «Milliy armiya» nazorati ostidagi yerlar boʼlsin, xoh Gʼarbiy Idlib va Halabdagi Tahriri Shom hayʼati nazorati ostidagi yerlar boʼlsin, turk rejimi qoʼzgʼolonning siyosiy va harbiy qarori ustidan hukmron boʼlib olgan.
Hozirgi yetakchilikka muqobilni aniq belgilashimiz uchun, avvalo yaroqli siyosiy yetakchilikning sifatlari qandayligini belgilamogʼimiz va kelasi bosqichda qoʼzgʼolonni yetaklashga layoqatli boʼlsin uchun ayni sifatlarga ega kishilarni izlab topmogʼimiz kerak boʼladi. Bu sifatlar quyidagilardan iborat:
1 – Mafkuraviy yetakchilik. Bu qoʼlida ochiq qarashlari boʼlgan va qonxoʼr Аsad rejimiga muqobil rejim uchun mufassal siyosiy loyihasi bor boʼlgan siyosiy partiya-hizbda gavdalanadi.
2 – Siyosiy loyiha. Hizb beradigan bu siyosiy loyiha Islom Ummatining aqidasi va fiqhiy merosidan balqib chiqqan boʼladi. Yaʼni davlat dasturi va davlat tatbiq qiladigan qonunlar Kitobu Sunnat va shularga aloqador manbalardan istinbot qilinuvchi sharʼiy ahkomlar boʼladi.
3 – Bu siyosiy hizb ulkan siyosiy ongga ega boʼladi. Yaʼni qoʼzgʼolonga dushman boʼlgan davlatlarning til biriktiruvlariga qarshi kurashib, ularning rejalarini fosh etadi. U shuningdek, siyosiy faoliyatlar olib borib, Islom va musulmonlarga dushman Gʼarbning siyosiy yoʼlaklarda toʼqilayotgan makru tuzoqlarga Ummatning osongina ilinib qolmasligi uchun ularni muvaffaqiyatsizlikka uchratishga harakat qiladi.
4 – U biror davlatga bogʼlanmagan va xalqaro tizimni tan olmaydigan mustaqil qarorga ega hizb boʼladi.
5 – U oʼz mabdaida sobit, undan qilcha chetga chiqmaydigan hizb boʼladi. Bu hizb shuningdek, oʼzining islomiy loyihasini roʼyobga chiqarish yoʼlida uzoq yillik fikriy va siyosiy kurash tarixiga ham ega boʼlishi kerak.
6 – Bu hizb Ummatga yolgʼon, munofiqlik yoki aldov ishlatgani kuzatilmagan, Ummat masalalariga xiyonat qilmasdan va yon bermasdan hal qilgan ishonchli, rostgoʼy hizb boʼladi. Yaʼni bu hizbning Rosululloh ﷺdan oʼrnak olib, sodiqul amin (omonatgoʼy rostgoʼy) sifatini oʼzida mujassamlagani oʼz isbotini topgan boʼladi.
7 – Bu hizb oʼzining yoʼlidan, oʼzgarmas qarorlaridan chetlangan yoki shariatga zid harakat qilgan paytda odamlar tomonidan muhosaba qilinganda uni xolis qabul qiladi.
Biz Shom qoʼzgʼoloni voqeligini diqqat bilan oʼrgansak, yetakchilikning yuqorida aytilgan yaroqli sifatlari Hizb ut-Tahrirda topilayotganiga hamda xavfsizlik qirgʼogʼiga yetkazib borish uchun Shom qoʼzgʼoloni ruli topshirilishga uning loyiq ekaniga guvoh boʼlyapmiz.
Chunki ushbu Hizb mufassal siyosiy loyihaga ega boʼlib, oʼnlab yillardan beri uni Ummatga taqdim qilib kelmoqda. U Islom davlati uchun 191-moddadan iborat hamda Kitobu Sunnat, sahobalar ijmoi va sharʼiy qiyosdan istinbot qilingan dasturni tayyorlagan.
Hizb, shu bilan birga, xoh boshqaruv nizomiga oid boʼlsin, xoh davlat jihoziga oid boʼlsin, farqsiz, oʼzining bir necha kitoblarida davlatning boshqaruv shaklini toʼliq mufassal ravishda bayon qildi. Jumladan, iqtisod nizomi, ijtimo nizomi, jazolar nizomi, taʼlim siyosati va Islom davlatining aniq-tiniq koʼrinishini ifodalovchi boshqa ahkomlarni batafsil yoritib berdi.
Siyosiy ongga kelsak, Hizb ut-Tahrirdagi mavjud siyosiy ong uni kofir Gʼarb va uning malaylari tomonidan – xususan, Shom qoʼzgʼoloniga qarshi – olib borilayotgan barcha siyosiy til biriktiruvlarga qarshi turishga yaroqli-qodir qilmoqda. Аyniqsa, Shom qoʼzgʼolonida Hizbning qoʼzgʼolonni yoʼq qilish uchun olib borilayotgan shuncha til biriktiruvlarni qanday qilib fosh etayotgani yaqqol namoyon boʼldi. Darhaqiqat, Hizb turk rejimining qoʼzgʼolonni jilovlashdek yomon niyatli rolь ijro etayotganini boshidayoq ochib berdi. Shuningdek, Hizb ut-Tahrir – Suriya viloyati 2022 yil 16 sentyabrda «Turkiyaning zobit Husayn Harmushni oʼgʼirlab, Suriya rejimiga topshirishi uning Suriyadagi sharmandali rollaridan biridir» nomli varaqa nashr qildi. Bundan tashqari, Hizb Gʼarbning qoʼzgʼolonni boʼgʼizlash uchun juda xavfli siyosat olib borayotganini, bular Jeneva, Vena, Riyoz, Sochi va Ostonadagi til biriktiruvlardan iboratligini ham anglab yetdi. Shom ahliga bu kabi siyosatlar juda nopok ekanini, bundan qoʼzgʼolon oxirida qonxoʼr rejim manfaati koʼzlanganini hamda qoʼzgʼolon ahli bergan shuncha qurbonliklarni zoe ketkazib, ularni qayta qonxoʼr qoʼyniga kiritish maqsad qilinganini ochiq yoritib berdi.
Hizb shuningdek, jangchi guruhlar oʼrtasidagi oʼzaro jang qilishning jinoyat ekani, dushman davlatlar shunga gijgijlayotgani bilan ham ogohlantirdi. Bundan ichki frontlarni zaiflashtirish va oʼzaro urush bilan jangchilarni holdan toydirib, qonxoʼr rejimga qarshi jang qilishdan chalgʼitish koʼzlanganini ochib berdi.
Baʼzi kimsalar sulhni Islom va musulmonlar uchun nusrat, degan paytda ham, masalan, Zabadoniya, Kufriyo va Favʼa shaharlarida boʼlgani kabi, Hizb qonxoʼr Аsad rejimi bilan sulh tuzish va muzokara qilishdan ham ogohlikka chaqirdi.
Аmerikaning siyosiy yechimi xavfli ekanini, Suriya ishi boʼyicha aktiv faoliyat qilayotgan Rossiya, Turkiya va Eron kabi davlatlarning har biri mana shu nopok yechimni ijro etish uchun rollarni oʼzaro boʼlishib olishganini, bu yechim qoʼzgʼolonni yoʼq qilib, Shom ahlini qayta jinoyatchi rejim changali ostiga kiritishini ham ochib berdi.
Hizb ut-Tahrirning oʼz qarorida mustaqilligi va davlatlar bilan aloqa qilmasligiga kelsak, bunga uzoqdagilar ham, yaqindagilar ham ochiq guvoh boʼlganlar. Chunki Hizb har qanday shakldagi shubhali moliyaviy qoʼllab-quvvatlovni olishni – oʼz qaroriga taʼsir qilishi mumkinligi uchun – mutlaq taqiqladi.
Mabdada sobit turishga kelsak, Hizb har qanday bosimlarga uchragan paytda ulugʼvor qoyadek turdi… Suriyaning ozod etilgan hududlaridagi xoin jangchi guruhlar tomonidan turli xil ozor va tazyiqlarga uchradi, Hizb aʼzolari mavjud hokimiyat roziligi uchun daʼvatlaridan qaytish va yon berishlari uchun qamoqlarga tashlandi, qiynoqlarga solindi… Аmmo Hizbga qarshi barcha urinishlar muvaffaqiyatsiz chiqdi, alhamdu lillah. Hizb va uning aʼzolari oʼzlari koʼrgan haq ustida sobit turdilar va bu Hizb uchun yutuq boʼldi, xalqchilligi oshishiga xizmat qildi. Vaholanki, qoʼzgʼolon daʼvosini qilgan koʼplab guruhlar va harakatlarni biz voqelikka qarab oʼzgarib, har maqomga oʼynaganini, bu ularning qoʼzgʼolon masalasidan voz kechishlariga va Аmerikaning siyosiy yechimini tiqishtirib, qoʼzgʼolonni yoʼq qilish rejasi boʼyicha harakat qilishlariga sabab boʼlganini guvohi boʼldik.
Hizbning rostgoʼy va omonatgoʼyligiga kelsak, uning 1953 yildan shu kungacha chiqargan bayonotlarini oʼqib, tutgan pozitsiyasini kuzatib kelayotgan kishi uning Ummatga har doim rost soʼzlaganini, aldamaganini guvohi boʼladi. Zero, Hizb Shom qoʼzgʼoloni maydonida yillab yolgʼon va adashtirish bilan shugʼullanib kelgan soxta va malay muxolafat hamda davlatlarga oʼxshamadi. Ularning ahvoli bugun oddiy insonlarga ham fosh boʼlib qolgan.
Soʼnggi yaroqli yetakchilik sifatiga kelsak, bu muhosabani qabul qilishda va tanqid qilayotgan yoki hisob talab qilayotganlarga quloq solishda koʼrinadi. Hizb agar oʼzining biror faoliyati yoki bayonotida oʼz loyihasidan chetga chiqsa yoki shariatga zid ish tutsa, Ummatga uni muhosaba qilishni yukladi. Zotan, bu Аllohning izni ila, nusratiga yetgunga qadar yetakchilikni goʼzal suratda olib borishini kafolatlaydi. Oʼz navbatida, Ummat ham muhosaba qilish orqali oʼzining hokimiyat sohibi ekanini, hokimiyatni loyiq insonlarga berishini va uning ishlarini boshqarish va manfaatlarini qabul qilishni buzayotganlardan tortib olishini anglab yetmoqda.
Harbiy yetakchilikka kelsak, bu soha egalari oʼz oralaridan shu ishga loyiq-yaroqli rostgoʼy harbiylarni tanlab olmoqlari darkor. Toki, ular oʼz xalqchilliklari va siyosiy yetakchiliklari bilan Shomning oʼzgarmas gʼoyasi tomon ong bilan harakat qilsinlar, asosan, qonxoʼr rejimni agʼdarib, til biriktirayotgan va manipulyatsiya qilayotganlarning qoʼlini chopib tashlab, Islom boshqaruvini oʼrnatsinlar.
Roya gazetasining 2022 yil 21 sentyabr chorshanba kungi 409-sonidan
