بِسْمِ اللهِ الرَّحْمٰنِ الرَّحِيمِ
Marokashdagi xoin malay rejim Baytul Maqdis masalasi borasidagi harakatlari soxta ekanini fosh qilmoqda
Marokash tashqi ishlar vaziri Nosir Burita yahudiy vujudi bilan hamkorlik qilish uchun kerakli barcha vositalar tayyor ekanini, buning uchun rasmiy xohish-istak mavjudligini ta’kidladi. Bu so‘zlarni Marokashning ilk bor AIPAC tashkiloti konferentsiyasida ishtirok etishi oldidan aytdi. U «Biz yahudiylar oldidagi o‘z majburiyatimizga sodiqmiz, chunki bu qarorni (munosabatlarni normallashtirish qarorini) ishonch bilan qabul qilganmiz, yaqinda ikki tomonlama hamkorligimizni rivojlantirish uchun Aqsoga boramiz», deb qo‘shimcha qildi.
Bunga izoh sifatida, Hizb ut-Tahrir muborak Falastin zamini matbuot bo‘limi quyidagilarni ta’kidladi:
«Qaroqchi yahudiylar Aqso masjidi maydoniga bostirib kirgan va xavfsizlik kuchlari Shayx Jarroh rayoni aholisiga hujum qilgan bir paytda, Marokash oliy darajadagi delegatsiyasi yahudiylarning AIPAC tashkilotiga rasmiy safar qilib, bosqinchi yahudiylardan o‘zaro qo‘shma hamkorlikni rivojlantirishni iltimos qilyapti. O‘z qirolini «Quddus komissiyasi raisi», deya atovchi bu jinoyatkor rejimning ayni qilmishi, shubhasiz, uning munofiqligini ochib bermoqda. Ochiq ko‘rinib turibdiki, Quddus va uning masalasi ularning kun tartibida yo‘q, Quddus ahli na ularni va na boshqa rejimlarni tashvishlantiradi. Bu rejimlarning barchasi o‘zlarini Quddus homiylari ekanini da’vo qilishadi. Biroq bu ularning jirkanch basharalarini chiroyli qilib ko‘rsatish uchun munofiqlik bilan qilgan iddaolari, xolos. Ularning qo‘lidan Quddus va Falastinning har bir qarichi ozod etilishini orziqib kutayotgan o‘z xalqlarini bostirishdan boshqa ish kelmaydi.
Shubhasiz, Falastin ahliga nusrat berish sharafiga Quddusni salibchilardan ozod etish uchun yurtlarni birlashtirgan va musulmonlar qo‘shiniga qo‘mondonlik qilgan Salohiddin Ayyubiy kabi bir musulmon qo‘mondondan boshqasi erishmaydi. Mustamlakachi davlatlar ostonasiga echim so‘rab bosh urgan hamda yahudiy tashkilotlar bilan hamkorlik qilishga mushtoq bo‘lgan hukmdorlar bunday sharafga aslo erishisholmaydi.
Roya gazetasining 2021 yil 12 may chorshanba kungi 338-sonidan
