Islom va musulmonlarga qarshi yana bir qonun
Hukumat taklifiga binoan 15 aprel kuni “Qirg‘iziston Respublikasining ayrim qonun hujjatlariga o‘zgartirishlar kiritish to‘g‘risida”gi qonun loyihasi avval parlamentning Huquqiy tartib, jinoyatchilik va korruptsiyaga qarshi kurashish qo‘mitasida, keyinchalik umumiy majlisda ko‘rib chiqildi. Qonun loyihasi Jinoyat kodeksining “Ekstremistik tashkilotlar tashkil etish” to‘g‘risidagi 314-moddasiga o‘zgartirishlar kiritishni o‘z ichiga oladi.
Loyiha xatboshi-asoslanmasida, Shanxay hamkorlik tashkilotining ekstremizmga qarshi kurash to‘g‘risidagi konventsiyasiga muvofiq ishlab chiqilgani aytilgan. Shuningdek, bundan ko‘zlangan maqsad ekstremistik tashkilotlarga qarshi kurashni takomillashtirish ekanligi ta’kidlangan.
Ushbu asosdan ko‘rinib turganidek, hukumat bu qonun loyihasini rossiyalik va xitoylik kofir xo‘jayinlariga, shuningdek, ko‘shni respublikalarning kofirga malay hukumatlariga xorlarcha bo‘ysunish bilan qabul qilmoqda. Ma’lumki, “ekstremizm” atamasini mustamlakachi kofirlar Islom va musulmonlarga qarshi kurashish uchun o‘ylab topishgan.
Majlislar stenogrammasidan ko‘rinib turganidek, qonun loyihasi birinchi navbatda Islom va musulmonlarga qarshi qaratilgan. Undan ayrim iqtiboslarni keltirib o‘tamiz.
Deputat Zarilbek Risaliev hukumat nomidan hujjatni himoya qilayotgan IIV o‘rinbosari Nurbek Abdievga quyidagicha savol berdi:
– Hozir Qirg‘izistonda islomiylashish kuchayyaptimi yoki yo‘qmi?
– Ha shunday tahdid bor, Islomiylashish kuchaygani sababli mana shunday qonunlarni qabul qilishga to‘g‘ri kelmoqda.
Shuningdek, N. Abdiev “dinga rioya qilish haddan tashqari bo‘lib ketmoqda” degan deputat K. Joldoshbaev savoliga javob berayotib, “davlat xizmatchilari sifatida biz ham xalqimizning haddan tashqari dindor bo‘lib ketganiga qarshimiz” dedi. Va yana shunday dedi:
-Xizmat safari bilan O‘zbekiston, Qozog‘istonga borib keldik. U erlarda davlat idoralari xodimlarining dinga yaqinlashishiga yo‘l qo‘ymaslik uchun maxfiy ishlar yuritilar ekan. Biz ham bundan foydalanamiz.
Deputat N. Nikitenkoning “ushbu qonun boshqa tomonga, masalan, muxolifatga qarshi ishlamaydimi” degan savoliga, N. Abdiev: “bizdagi diniy ekstremistik tashkilotlar konstitutsiyaviy tuzumni o‘zgartirishga harakat qilib kelishadi, biz shundan kelib chiqyapmiz, bu o‘rinda qandaydir NNT (NPO) yoki boshqalar nazarda tutilmaydi”, – deb javob berdi.
Hukumat hozircha “bu qonun faqat Islomga qarshi ishlaydi” degani uchun g‘arbparast deputatlar uni qo‘llab-quvvatlashdi.
Masalan, Janar Akaev bunday dedi: “Ushbu qonunni men ko‘rib chiqdim. To‘liq qo‘llab-quvvatlaymiz. Bu to‘g‘ri, kerakli qonun. Chunki, unda “Konstitutsiyaviy tuzumni kuch bilan o‘zgartirishga va siyosiy nafratni qo‘zg‘atishga qaratilgan mafkurani targ‘ib qiluvchi diniy ekstremistik tashkilotlar faoliyati” deb aniq yozilgan. Qonun siyosiy partiya yoki siyosatchilar haqida emas. Agar shunday bo‘lganida men birinchi bo‘lib jar solar edim. Endi ekstremizm va siyosatni bir-biriga bog‘lab, shunga muvofiq sudlab yuboraman deyish, albatta, noto‘g‘ri. O‘ylaymanki bunday bo‘lmaydi”.
Aslida, ushbu qonun loyihasidan quyidagi aniq maqsadlar ko‘zlanganini anglash mumkin.
1. Ushbu qonun orqali Hizb ut-Tahrir islomiy-siyosiy partiyasining siyosiy faoliyatiga to‘siq qo‘yishni kuchaytirishmoqchi.
2. Shuningdek, qonun kuchga kirsa va tatbiq etiladigan bo‘lsa, har bir musulmonga “siyosiy nafrat qo‘zg‘atish” tamg‘asini yopishtirish mumkin bo‘ladi. Masalan, Islom qadriyatlarini himoya qilib miting uyushtirgan har bir musulmon ushbu modda bilan ayblanishi mumkin. Dastlab, ularni biror “ekstremistik” yoki “terroristik” tashkilotga bog‘lashga harakat qilib ko‘rishadi. Agar bog‘lay olishmasa “siyosiy nafrat qo‘zg‘atuvchi yangi tashkilot tuzishga harakat qildi” degan tuhmat bilan ayblay boshlashadi.
3. Hozir “mo‘’tadil islom”ni qabul qilib, demokratik siyosiy jarayonlarda ishtirok etishni ko‘zlagan partiyalar paydo bo‘lmoqda. Ular sof islomiy bo‘lishmasa-da ularda islomiy bo‘yoq mavjudligi sababli ularga ham to‘siq qo‘yish uchun ushbu qonun ishlaydi. Masalan, “Nur”, “Imon nuri” kabi partiyalar ushbu qonunning nishonlari bo‘lib qolishadi.
4. “Tablig‘” va boshqa jamoatlar to‘liq taqiqlanmasa ham ularning faol a’zolarini ushbu qonun bo‘yicha jinoiy javobgarlikka tortishga yo‘l ochiladi.
5. Agar hukumat oyoqqa turib, o‘z diktaturasini o‘rnatib olsa, mazkur qonun muxolifatni jilovlash uchun ham ishlaydi. Shu sababli bir qancha g‘arbparast deputatlar tashvish bildirishgan bo‘lsa, ba’zi faollar unga ochiq qarshi chiqishdi. Ammo shuni yodda tutish kerakki, ushbu qonun bevosita Islom va musilmonlarga qarshi qaratilgan, muxolifatga esa bilvosita tegishli.
(Ushbu modda bilan ayblanganlar 2 yildan 5 yilgacha ozodlikdan mahrum etiladi)
Bundan tashqari, IIV o‘rinbosari “qonunlar talabga muvofiq bundan ham kuchaytirilishi mumkin, bunday loyihalar ham bor” dedi. Muborak Ramazon oyida shu va kazinoga yo‘l ochgan qonunlarni qabul qilinishi va ba’zi voqealar hokimiyatni musulmonlarni provokatsiya qilishidan boshqa narsa emas. Bu – hokimiyat bundan buyon musumonlarga goh terrorizm, goh siyosiy ekstremizm kabi tamg‘alarni qadab, hujum qilishga tayyorgarlik ko‘rayotganidan dalolat qiladi.
Shulardan kelib chiqib, ushbu qonun Islom va musulmonlarga qarshi qaratilgan degan e’tiborda, biz mazkur qonun loyihasini keskin qoralaymiz. Shuningdek, musulmonlarni provokatsiyaga berilmay, fikriy va siyosiy kurash doirasida bunday harom ishlarga qarshi turishga chaqiramiz.
Shuningdek, Islomga qarshi ekstremizm bahonasi bilan kurashib kelayotgan, olamga hukmronlik qilayotgan mustamlakachilik tuzumini qulatib, uning o‘rniga Islomni qayta hayotga olib kelish uchun fikriy-siyosiy kurashga kelib qo‘shilishga da’vat qilamiz
Hizb ut-Tahrirning Qirg‘izistondagi matbuot bo‘limi
27. 04. 21
