بِسْمِ اللهِ الرَّحْمٰنِ الرَّحِيمِ
Xalqaro Valyuta Fondi Pokistonni tobora sudxo‘rlik qarzlariga botirmoqda
Hizb ut-Tahrir – Pokiston viloyati matbuot bo‘limi nashr qilgan bayonotda bunday deyiladi:
«Xalqaro Valyuta Fondi «Pokiston davlat bankining mustaqilligi va boshqaruvini mustahkamlash»ni talab qildi. Bu esa, ushbu Fondga kreditlar bo‘yicha foizlarni oshirishda, soliqlarni oshirishda, xususiy sektorlarni moliyalashtirishni to‘xtatishda davom etish imkonini beradi».
Matbuot bayonotida yana quyidagilar ta’kidlangan:
«Bundan maqsad xalqaro va mahalliy kapitalistlarning sarmoyalarini ta’minlash, Pokistonning sur’at bilan o‘sib borayotgan ichki qarzini sudxo‘rlik asosida to‘lanishi orqali yirik foyda olishdir. Foiz stavkalari qarz beruvchilarning boyligini oshirgandan-oshirgani sari, Pokistonning qarzdorlik yuki ham ko‘payib boryapti. Binobarin, yurtning Xalqaro Valyuta Fondi joriy qilgan qarzlar tuzog‘iga tushishini… sudxo‘r mafiya uchun sog‘iluvchi sutdor sigir bo‘lib qolaverishini ta’minlayapti».
Bayonot so‘nggida bunday deyildi:
«Mudom bunday rejim mavjud ekan, na undan biror narsani umid qilib bo‘ladi, na tobora ortib borayotgan badbaxtlikdan qutulib bo‘ladi. Bizning birdan-bir xaloskorimiz Islomimizdir. Islomning yagona tuzumigina bizga bu dunyo va oxiratda yaxshilik keltiradi. Bu – Payg‘ambarlik minhoji asosidagi Xalifalik tuzumidir.
Roya gazetasining 2021 yil 14 aprel chorshanba kungi 334-sonidan
