بِسْمِ اللهِ الرَّحْمٰنِ الرَّحِيمِ
Istanbul konventsiyasi o‘rniga Anqara kelishuvini tayyorlash ayollar va jamiyat azob-uqubatlarini hargiz hal etmaydi!
Hizb ut-Tahrir – Turkiya viloyati matbuot bo‘limi chiqargan bayonotda quyidagilar ta’kidlanadi:
«Turkiya hukumatining xotin-qizlarga nisbatan zo‘ravonliklarga barham berish bilan bog‘liq Evropa kengashi tomonidan tayyorlangan Istanbul konventsiyasidan chiqqanligi odamlarni aldashdan boshqa narsa emas, aslida hech narsa o‘zgargani yo‘q. Ayollarga nisbatan diskriminatsiyani tugatish bilan bog‘liq ushbu konventsiya hamon boyagidek tatbiq qilinmoqda».
Turkiyaning ayni konventsiyadan chiqqanligiga qarshi chiqib, buni qoloqlik va reaktsion, deyotgan kimsalarga qarata matbuot bayonotida bunday deyildi:
«Sizning ko‘zingizni qamashtirayotgan G‘arb davlatlaridagi vaziyat bugun qanchalar sharmandali ekanligi hamda u erlarda ayni konventsiyaning qanchalar tatbiq etilayotganligi hech kimga sir emas. Chunki G‘arb jamiyatlarida oilalar vayron bo‘ldi, buzuqliklar ortgandan-ortdi, ayollar va bolalarga nisbatan zo‘ravonlik, jinsiy tajovuz cho‘qqisiga etdi».
Bayonot quyidagilarni xulosa qildi:
«Islomdan boshqa tuzum shaxsni ham, oilani ham, jamiyatni ham, avlodni ham himoya qilolmaydi. Istanbul konventsiyasi o‘rniga Anqara kelishuvini tayyorlash hargiz ayollar va jamiyat azob-uqubatlarini hal etmaydi! Turkiya vitse-prezidenti Fuat Oktayning «aslimizga qaytishimiz kerak», degan gapi amalga oshmaydi. Bu gap amalga oshishi uchun biz imon keltirgan Islom aqidasi va undan balqib chiqqan ahkomlarga qattiq amal qilish shartdir. Chunki hayotimiz negizi Islomdir!
Roya gazetasining 2021 yil 31 mart chorshanba kungi 332-sonidan
