بِسْمِ اللهِ الرَّحْمٰنِ الرَّحِيمِ
Gollandiyadagi Ozodlik partiyasining programmasi yangi bosqichga ko‘tarildi
Yaqinda Gollandiyadagi Ozodlik partiyasi rahbari Gert Vilders o‘z partiyasining yangi programmasini e’lon qildi. E’lon qilingan bu programma «immigratsiya va qochqinlarni qaytarish va Islomdan tozalash» hamda barcha islomiy ko‘rinishlardan qutulish uchun yangi vazirlik tashkil etishni o‘z ichiga oladi.
O‘z navbatida, Hizb ut-Tahrir – Gollandiya matbuot bo‘limi bu haqda bayonot chiqarib, quyidagilarni ta’kidladi: «Vilders ayni chaqirig‘i bilan Gollandiya jamiyatini Islom va musulmonlarni yomon ko‘rishga jalb qilmoqda. Buning ta’siri ancha sezilib ham qoldi. Vilders hokimiyatga chiqish imkoniyatini qo‘lga kiritadimi, yo‘qmi, bundan qat’iy nazar, unga shunday erkin gapirishiga qo‘yib berilgani Gollandiyadagi musulmonlarga dushmanlikni yanada kuchaytirishga xizmat qilmoqda. Siyosatchilar esa, hanuzgacha imom-xatiblar, islomiy maktablar, masjidlar va boshqa islomiy muassasalarning bayonotlarini bo‘g‘ishga urinishyapti. Ayni paytda, «so‘z erkinligi» Vildersning bayonotlarini himoya qilishga xizmat qilmoqda.
Roya gazetasining 2020 yil 27 yanvar chorshanba kungi 323-sonidan
