بِسْمِ اللهِ الرَّحْمٰنِ الرَّحِيمِ
Yoshlar o‘zgarish tayanchidirlar
Yoshlar har qanday jamiyatda o‘zgarish tayanchi va qurolidirlar. Chunki Alloh Subhanahu va Taolo kuchli energiya, oliy himmatlar, po‘latdek mustahkam ahd-paymonlar, hayotga bo‘lgan iqbol ne’matlarini yoshlarga bergan. Shuning uchun har qanday jamiyatdagi o‘zgarish ishida yoshlarga suyaniladi. Yoshlar xoh salbiy, xoh ijobiy bo‘lsin, o‘z faolliklari va ta’sirlari bilan jamiyatdagi mavjud qatlamlarning eng muhimlaridan biridir.
Ma’lumki, mustamlakachi kofir G‘arb har doim yurtlarimizda mustahkam ildiz otishga harakat qiladi. Jamiyatlarimiz ojiz va falaj ahvolda qolib, bunga qarshi kurasha olmasligi va to‘g‘ri, haqiqiy o‘zgarish yasashga qodir bo‘lolmasligi uchun, u o‘zining botil fikrlari va buzuq tushunchalarini tinimsiz yoyib kelmoqda. Mana shu ishida yoshlar qatlamini juda muhim deb bilgani va yoshlarning muvozanatni o‘zgartirishga qodirliklarini anglagani bois, mustamlakachi kofir G‘arb o‘zining buzg‘unchi kapitalistik fikrlari bilan avvalo jamiyatimizdagi yoshlarimizni nishonga oldi va hamon nishonga olmoqda. U yosh avloddan uning musaffo diniy fikrlarini, ulug‘vor tushunchalarini va oliy qadriyatlarini sug‘urib olishga, binobarin, ularning miyasiga o‘zining iflos tushunchalari va buzuq hazoratini quyishga harakat qilmoqda. U yoshlarga oldindan zarba yo‘llab, yo‘llarini kesishga urindi… Toki, yoshlar o‘z jamiyatlarida ijobiy qurollarga aylanib, undagi yomon ahvolni o‘zgartirishga, inqilob yasashga, yana eng yaxshi holatga qaytarishga harakat qilmasinlar.
O‘ziga Islomni mabda-asos qilib olgan siyosiy faoliyat bugungi kundagi voqeligimizni o‘zgartirishda eng muhim faoliyatdir. Aynan mana shu siyosiy faoliyatgina haqiqiy o‘zgarishni amalga oshirib, er yuzidagi barcha musulmonlar ahvolini o‘zgartiradi, nafaqat musulmonlar, balki butun insoniyat holatini yaxshilaydi. Chunki Islom barcha insonlar uchun kelgan. Alloh Subhanahu va Taolo aytadi:
وَمَا أَرْسَلْنَاكَ إِلاَّ كَافَّةً لِّلنَّاسِ بَشِيراً وَنَذِيراً
«(Ey Muhammad), Biz sizni shak-shubhasiz, barcha odamlarga: (mo‘minlarga jannat haqida) xushxabar eltguvchi, (kofirlarni esa do‘zax azobidan) ogohlantirguvchi bo‘lgan holingizda, payg‘ambar qilib yubordik» [Saba’ 28]
Yana bunday dedi:
وَمَا أَرْسَلْنَاكَ إِلاَّ رَحْمَةً لِّلْعَالَمِينَ
«(Ey Muhammad), Biz sizni shak-shubhasiz, barcha olamlarga faqat rahmat qilib yubordik» [Anbiyo 107]
Islom asosida siyosiy faoliyat qilish farzlarning eng muhimi bo‘lib, Alloh Subhanahu uni to eru osmon turguncha farz qilgan. Eru osmon turguncha farz qilingan ekan, musulmonlarning Alloh shariati bilan hukm yuritadigan hamda adolat o‘rnatib, u bilan oralarini isloh qiladigan davlatlari mavjud bo‘lmagan holatda qanchalar farz bo‘lishini tasavvur qilavering! Alloh Taboraka va Taolo Qur’oni Karimida bunday dedi:
وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ
«Orangizdan yaxshilikka (Islomga) da’vat qiladigan, ma’rufga buyurib, munkardan qaytaradigan bir jamoa bo‘lsin, ana o‘shalar najot topguvchilardir» [Oli Imron 104]
Ey Islom Ummati yoshlari!
Ana, Ummatingizning Suriya, Falastin, Afg‘oniston, Iroq, Pokiston, Sharqiy Turkiston, O‘rta Osiyo, O‘zbekiston, Tojikiston, Liviya, Misr, Mьyanma va boshqa musulmon yurtlaridagi ahvolini ko‘rib turibsiz… eng qattiq alamlarni totmoqdalar. Mana, o‘z ko‘zingiz bilan ko‘ryapsiz, mustamlakachi kofir G‘arb yollangan-malay xoin hukmdorlar orqali Ummatning boylik va resurslarini talash bilangina kifoyalanmay, Ummat hayotining eng nozik tomonlarini ham boshqarmoqda. Bas, Ummat bunday alamli vaziyatdan Islomsiz hargiz qutula olmaydi. Bu ish siyosiy ongga ega bo‘lgan xolis kishilarning g‘ayrat bilan faoliyat olib borishi hamda Allohning shariatini hokim qilish va bunga harakat qilayotganlarga nusrat-yordam berish uchun kunlarni tunlarga ulab harakat qilinishi bilangina amalga oshadi. Shoyad shundagina Alloh Azza va Jalla habibimiz Muhammad Mustafo ﷺning Ummatiga ikrom qilib, unga ishlarini o‘nglaydigan, qo‘rg‘on kabi dushmandan qo‘riqlab, panoh, xavfsizlik va omonlikni beradigan Islomini barpo qilsa.
Mana shularning barchasi amalga oshishi uchun, siz yoshlar buni qabul qilishingiz, o‘z jamiyatingizda faol bo‘lib, Islom boshqaruvini barpo etish uchun faoliyat qilayotgan kishilar bilan birga harakat qilishingiz kerak bo‘ladi. Eslang, zotan bu harakat anbiyoyu rosullarning harakatidir, sahobai kirom roziyallohu anhular amallaridir. Eslang, ikki olam sarvari Muhammad ﷺ siz haqingizda
«نُصِرْتُ بِالشَّبَابِ»
«Men yoshlar tufayli nusratga erishdim», deya marhamat qilganlar.
Bas, Payg‘ambarlik minhoji asosidagi ikkinchi roshid Xalifalikni barpo etishga jiddiy harakat qilish bilan Payg‘ambaringizga nusrat-yordam bermaysizmi. Toki, shu orqali bu dunyoda azizlik va kuch-qudratni qo‘lga kiritib, baxtli-saodatli bo‘lasiz va butun dunyoni etaklaysiz. Zero, bunga siz loyiqsiz. Shuningdek, oxiratda jannat ahlidan bo‘lib, u erda anbiyolar, siddiqinlar, shahidlar va solihlar bilan hamroh bo‘lasiz. Ularga hamroh bo‘lmoq naqadar buyuk baxtdir.
Roya gazetasining 2020 yil 16 dekabr chorshanba kungi 317-sonidan
