Janob Muhammad Yatimga
Allohdan qo‘rqing, chunki sizning maqolangiz Islomning buyuk farzlaridan birini oyoqosti qilmoqda!
Avvalo Islom salomi bilan boshlaymiz, Assalamu alaykum va rohmatullohi va barokatuh. 2020 yil 29 martda «Al-Jazira net» saytida «Islom davlati» tushunchasi haqida diskussiya… Islomda davlatning alohida andozasi bormi?» nomli maqolangiz e’lon qilindi. Unda siz Xalifalik haqida yozib, tarixdagi eng buyuk davlatning sha’nini pastga urishga harakat qilgansiz. Holbuki, bu davlatni Islomiy Ummat o‘zining Payg‘ambari bo‘lmish sayyidimiz Muhammad ﷺdan meros qilib olgan. Bu davlatning o‘ziga munosib andozasi va barchaga ma’lum nizomi bor. Bu davlatning etakchisi Rosululloh ﷺning xalifasi yoki mo‘minlar amiri deb nomlanadi. Bu davlatni tiklash, yaxlitligini saqlab qolish va uni kengaytirish uchun ulug‘ sahobalar jonlarini berishgan. Uning kuchi tarix davomida shahidlar qoni bilan sug‘orilgan…
Ey janob Muhammad Yatim, agar Islomga chin dildan sodiq bo‘lsangiz, davlat tiklash borasida Payg‘ambaringizdek harakat qiling. Men sizga nafaqat faqihlar, balki butun Ummat uchun ma’lum tushunchaga aylanib qolgan narsani isbotlab bermoqchi emasman. Balki men sizga bitta hodisani misol keltiraman. Bu hodisa shubhasiz Xalifalikning zoe ketishi naqadar xatarli ekanini va bu ishda sustkashlik qilgan kishining gunohi naqadar katta bo‘lishini tasdiqlaydi. Bu hodisa sayyidimiz Usmon roziyallohu anhuga bay’at berish paytida bo‘lib o‘tgan voqealardir…
Chiqargan hukmi uchun tanbeh bergan bozordagi ayolga tavoze’lik bilan muomala qilgan ulug‘ sahoba sayyidimiz Umar ibn Xattobning o‘limi yaqinlashgach, u kishi musulmonlarning o‘zlariga xalifa qilib tanlashlari uchun jannat xabari berilgan oltita sahobaning nomzodini tavsiya qildi. Ularga uch kun muhlat berib, qarshi chiqqanlarni qatl qilishga buyurdi. Ha, agar xalifa saylash amaliyotida vaqtni zoe ketkazsalar, Payg‘ambarlardan keyingi eng yaxshi odamlarni qatl qilishga buyurdi. Umar ibn Xattob jannat xabari berilgan sahobaning qonini to‘kishni halol desa-yu, sahobalar sukut qilib turadimi? Bundan oldin ayni shu sahobalar Umarga bir parcha matoni ortiqcha olvoldi degan gumon bilan tanbeh bergan edilar. Lekin ular Xalifalik farzini naqadar ulug‘ligi, hatto u jondan ham azizligini bilishgani uchun bu masalada Umarning qilgan ishiga sukut qildilar. Ey janob Muhammad Yatim, endi tasavvur qilib ko‘ring, agar siz sayyidimiz Umar ibn Xattob huzurida bo‘lsangiz va u kishi sizning ushbu maqolangizni o‘qisa, sizni qanday jazolagan bo‘lar edi?
Bu Ummatda o‘zini Islomga chin dildan sodiqligini da’vo qilib, so‘ngra Islomiy davlatni o‘z ustunidan ajratishga chaqiradigan va uni boshqa davlatlar qatoriga qo‘shadigan avlod chiqqan emas. Bunday ishni Xalifalik qulatilgandan keyingi davrda yashagan avlod qildi. Chunki ular dushmanlari oldidagi narsalardan sehrlanib qolishdi va mustamlakachilar saqofatidan ta’sirlanishdi. Natijada, mustamlakachilarning o‘ljasiga aylanishdi. So‘ngra malay hokimlarning zo‘ravonligiga sukut qilishdi va ularga sherik bo‘lishdi, o‘zlarini Islomiy Ummatga yarashmaydigan bahonalar bilan oqlashdi.
Darhaqiqat, Xalifalik 1924 yil qulatildi. O‘sha davrda davlat G‘arb erishgan muvaffaqiyat tufayli harbiy jihatdan esankirab qolgan va mag‘lubiyatga uchragan edi. Alloh Taolo Ummat ichidan hazorat va madaniyatni farqlay oladigan, Islom bilan uyg‘onish yo‘lini, ya’ni sof, toza va yorqin yo‘lni ko‘ra oladigan kishini chiqardi. Bugun Xalifalik Islom Ummatida jamoatchilik fikriga aylandi hamda u bu ishda yordam berib, uni tiklaydigan kishilarni intizorlik bilan kutmoqda.
Allohdan qo‘rqing, mo‘minning qalbi xotirjam bo‘lmaydigan gapni aytishdan saqlaning. Ilmoniy boshqaruv nizomiga chaqirishdan saqlaning. Ko‘rmayapsizmi, Alloh Taolo bu nizom etakchilariga ko‘zga ko‘rinmas askarlarini, ya’ni mikroblarni yubordi. Natijada, bu nizom muvozanatini yo‘qotib, o‘z ishini bajara olmay qoldi. Ana shimoldagi qo‘shnilaringiz ya’ni evropaliklarga qarang, ular qo‘rquvdan qaltirashmoqda, parchalanmoqda va qalblarda noumidlik paydo bo‘lgan. Ular da’vo qilgan birlik kundan-kunga parchalanmoqda. Natijada, kelishuvlarini bekor qilib, bir-birlarini yordam bermaslikda ayblashmoqda.
تَحْسَبُهُمْ جَمِيعًا وَقُلُوبُهُمْ شَتَّى
«(Og‘izlaridagi so‘zlaridan) ularni bir deb hisoblaysiz-u, (ammo) dillari xilma-xildir. Bunga sabab, ularning aqlsiz qavm ekanliklaridir» [Hashr 14]
Ey janob Muhammad Yatim! Biz sizni bu ishlardan qaytishga, ilmoniylikni tashlashga, G‘arb va uning nizomidan yuz o‘girishga chaqiramiz. Shuningdek, Ummat bilan bir safda turish hamda Payg‘ambarlik minhoji asosidagi ikkinchi roshid Xalifalikni tiklashda unga yordam berishga chaqiramiz.
إِنَّ اللَّهَ يُدْخِلُ الَّذِينَ آمَنُوا وَعَمِلُوا الصَّالِحَاتِ جَنَّاتٍ
«Albatta Alloh iymon keltirgan va yaxshi amallar qilgan zotlarni jannatlarga doxil qilur» [Haj 14]
Muhandis Salohiddin Azoza
Hizb ut-Tahrirning markaziy matbuot bo‘limi raisi
