بِسْمِ اللهِ الرَّحْمٰنِ الرَّحِيمِ
Al-Va’y guruhi Xalil shahri universitetida Tramp kelishuviga qarshi namoyish o‘tkazdi
Ma’lumki, Tramp kelishuvi Falastin va uning ahliga qarshi til biriktiruvlar va xoinona kelishuvlar ko‘payayotgan bir vaqtda, ushbu muborak Falastin zaminiga oid muhim bo‘g‘imlarni nishonga olgan. Shu e’tibordan, Hizb ut-Tahrirning talabalar doirasidagi Al-Va’y guruhi Xalil shahri universitetida talabalarning diqqatga loyiq ishtiroklari manzarasida Tramp kelishuviga qarshi namoyish o‘tkazdi.
Ta’kidlash lozimki, namoyishda qilingan ma’ruzada muhim masalalar haqida so‘z yuritildi, jumladan:
Agar Xalifalik davlati va uning son-sanoqsiz qo‘shini bo‘lmaganda edi, Baytul Maqdis fath qilinmagan va Islom saltanatiga bo‘ysundirilmagan bo‘lar edi. Chunki Baytul Maqdisga Islomni olib kirgan va u erni qudrat minorasiga, Shom yurtlarining markaziga aylantirgan Islom qo‘shinidir.
Agar Salohiddin Ayyubiy rohimahulloh Xalifalikning birligi yo‘lida harakat qilmaganda edi hamda dushmanlar qalbiga qo‘rquv soladigan va ularni shayton vasvasasiga solib qo‘yadigan buyuk armiyani harakatga keltirmaganda edi, Falastinni salibchilardan ozod etolmasdi.
Xalifa Abdulhamid II rohimahulloh zamonida Falastinni bosqinchilik va zavoldan saqlab, himoya qilgan Xalifalik va uning armiyasi edi».
Ma’ruza so‘nggida talabalarga quyidagilar yoritildi:
«Falastin masalasi islomiy masaladir. Uning zamini to qiyomat kuniga qadar Islom Ummati mulki bo‘lib qoladi. Uni ozod etmoq, Ummatning eng birinchi safdagi farzandlari vazifasidir. Biror dastak bilan ushbu zaminning bir qarichidan voz kechish ham haromdir. Shunday ekan, Ummat jinoyatkor kofirlarning muborak Falastin zaminiga qarshi to‘qiyotgan til biriktiruvlardan tashvishlanishiga hojat yo‘q.
أَفَمَن يَمْشِي مُكِبّاً عَلَى وَجْهِهِ أَهْدَى أَمَّن يَمْشِي سَوِيّاً عَلَى صِرَاطٍ مُّسْتَقِيمٍ
«Axir yuz tuban (ya’ni oyog‘ining ostidan o‘zga yoqqa qaramasdan) yuradigan kimsa Haq yo‘lni topguvchiroqmi yoki qaddi rost holida to‘g‘ri yo‘lda yuradigan kishimi?!» [Mulk 22]
Falastin yaqinda nusrat va ozodlikka erishajagi va’da qilingan. Bu yo bugun Ummatning uni qizg‘anuvchi armiyalari qo‘li bilan yoki yaqinda Alloh izni ila barpo bo‘lajak Payg‘ambarlik minhoji asosidagi roshid Xalifalik armiyasi qo‘li bilan amalga oshajak.
فَإِذَا جَاء وَعْدُ الآخِرَةِ لِيَسُوؤُواْ وُجُوهَكُمْ وَلِيَدْخُلُواْ الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُواْ مَا عَلَوْاْ تَتْبِيراً
«Qachon keyingi (buzg‘unchilikning) vaqti-soati kelganida, (ular yana) yuzlaringizni qaro qilishlari, avvalgi safar kirganlari kabi Masjidul (Aqso)ga kirib, (uni toptashlari) uchun hamda o‘zlari egallab olgan (barcha) erlarni vayron etishlari uchun (yana dushmanlaringizni sizlarning ustingizga yuborurmiz)» [Isro 7]
Ma’ruza chog‘ida bunday so‘zlar bitilgan plakatlar ko‘tarib turildi: «Sizning masalangiz Islomdir. Chunki kuch-qudratingiz manbai ham, Robbingiz rizosiga eltuvchi ham Islomdir. Islom bilan dunyoni boshqarasiz, u bilan kengligi eru samoga teng jannatni meros qilib olasiz», «Falastin Islom Ummatiga siz mening ahlimsiz, siz meni qutqaruvchisiz, deya hayqirmoqda».
Roya gazetasining 2020 yil 26 fevral chorshanba kungi 275-sonidan
