Muzey voqeasi: Asosiy maqsad ayollarni himoya qilish emas
Muzeyda buzg‘unchi tadbirni uyushtirgan odamlar “bu tadbirdan maqsad – ayollar duch kelayotgan zo‘rovonlikka qarshi kurash” deb aytishdi. Aslida, ularning homiylari demokratiyani targ‘ib qiluvchi g‘arblik tashkilotlardir. Demokratiya ( ya’ni, kapitalizm) tuzumi ayolar duch kelayotgan zo‘rovonlikni bartaraf qila oladimi?
Dalillar bilan aytadigan bo‘lsak, olamiy jihatdan olganda dunyoda har 3 ayolning biri jinsiy va boshqa zo‘rovonlikka duch kelgan (BMT). Demokratiyaning beshigi bo‘lgan mamlakatlarga nazar solamiz: Frantsiyada har uch kunda bir ayol birga yashagan odam tomonidan o‘ldiriladi (Le Journal du Dimanche), Germaniyada har 5 minutda kamida bir ayol jinsiy va boshqa tajovuzga uchraydi, 2017-yili ikki yo uch kunda bir ayol vafot etgan, ular turmush o‘rtoqlari, qarindoshlari yoki birga yashagan odamlar tomonidan o‘ldirilgan (DW), Evropa ittifoqida har to‘rtinchi ayol ish joyida jinsiy tegajoqlik qurboni bo‘ladi (BMT), AQShda har minutda 20 odam oilaviy zo‘rovonlikka duch keladi (BMT). Birlashgan Millatlar Tashkiloti ham bu ko‘rsatkichlarda ortda qolmaydi, BMT xodimlarining uchdan biri kamida bir marta ish joyida jinsiy tegajoqlikka uchragan (Radio Svoboda).
Ayollarni bunday xor bo‘lishlarining sababi kapitalizm (demokratiya)ning ayol haqidagi qarashiga bog‘liq. Kapitalizm ayolga ona, opa-singil, uy bekasi, himoya qilinish zarur bo‘lgan nomus deb qaramaydi, aksincha, uni tovar sifatida ko‘radi. Shu sababli kapitalizm ayoldan imkon qadar ko‘proq foyda topishni ko‘zlaydi, u fohisha bo‘ladimi yoki reklamalarda yalang‘och badanini namoyish qiladigan modelь bo‘lib foyda keltiradimi farqi yo‘q. Bunday qarash odamlarni ayollarga har qanday turda zo‘rovonlik qilishga undaydi.
Demak, yuqorida aytilgandek, kapitalizm (demokratiya) tuzumi ayollar duch kelayotgan zo‘rovonliklarni bartaraf qila olmaydi. Ularning maqsadi ayollarni tajovuzdan himoya qilish emas, aksincha, demokratiyani yoyish, uni yoyishga xalaqit berayotgan to‘siqlarga qarshi kurashish. Bugungi kunda demokratiyaning yoyilishiga to‘siq bo‘lib turgan yagona narsa – Islom. Shu sababli mustamlakachilar Islom hukmlari, dunyo qarashi, odob-ahloqi, qonunlariga qarshi kurashmoqda. Mustamlakachi bir tomondan muzeydagi voqea kabi uslublar bilan Islomga qarshi kurashayotgan bo‘lsa, ikkinchi tomondan “terrorizm” va “ekstremizm”ni bahona qilib musulmonlar birligi va Islom shariatni ko‘tarib chiqayotgan musulmonlarga qarshi kurashmoqda. Aslida demokratiya siyosatimizga, boshqaruvimizga, iqtisodimizga kirib kelgan, biroq, ongimizga kirgani yo‘q. Endilikda mustamlakachilar demokratiyani aqida sifatida aql va tuyg‘ularimizga singdirishga harakat qilmoqda.
Xorun Abdulhaq
