بِسْمِ اللهِ الرَّحْمٰنِ الرَّحِيمِ
Ey Bangladeshdagi xolis zobitlar! Hasinaning siz va ahlingizga qarshi qilayotgan xiyonatlariga chek qoʻymoq vaqti hanuz kelmadimi?!
Payshanba kuni Hizb ut-Tahrir – Bangladesh viloyati matbuot boʻlimi tomonidan chiqarilgan bayonotda bunday deyiladi:
Biz Bangladesh Chegara qoʻshinlari qoʻmondonining Hindistondagi hamkasbiga javoban qilgan bayonotiga keskin qarshimiz. Hindiston Chegara kuchlari qoʻmondoni oʻz bayonotida Bangladeshdagi oʻldirilgan oddiy qurolsiz insonlarni “ular jinoyatchi”, “xoinlar”, dedi. Bangladeshlik qoʻmondon esa, chegaradagi bu qotillik amaliyotiga nisbatan “qattiq tashvishda” ekanini bildirdi!
Mudom xoin Hasina bor ekan, bunday amaliyotlar davom etaveradi, chunki u qurolli kuchlarimizni masxarabozlar kabi harakat qilishga majburlayapti, oʻz taxtini saqlab qolish maqsadida oʻzining nopok qoʻllari bilan Bangladesh chegara qoʻshinlarini Hindiston kuchlariga hamkor qilib beryapti. Hindistonlik qoʻmondon Bangladesh kuchlarining uning tili bilan aytilayotgan hind separatist jamoalariga qarshi hamkorlik qilayotganini yuksak baholayapti. Buning sababi Bangladesh bilan Hindiston hozirda ikki davlat oʻrtasidagi rahbarlar darajasida “oltin munosabatlar davri”ni yashamoqda, Hasina musulmonlarni qirgʻin qilgan qonxoʻr Modini doʻst tutgan. Alloh Taolo bunday demoqda:
لاَ تَجِدُ قَوْماً يُؤْمِنُونَ بِاللَّهِ وَالْيَوْمِ الآخِرِ يُوَادُّونَ مَنْ حَادَّ اللَّهَ وَرَسُولَهُ
“Allohga va oxirat kuniga imon keltiradigan qavmning Alloh va Rosuli chizgan chiziqdan chiqqan kimsalar bilan doʻstlashayotganlarini topmassiz” [Mujodala 22]
Bayonot Bangladeshdagi musulmonlarga murojaat qilib, ularni hind kofirlarni doʻst tutgan xoin Hasinaga qarshi turishga chaqirdi. Bugungi kunda mustamlakachi Amerika regional guruh tuzib, Hindistonni unga yetakchi qilishni rejalashtiryapti, shu orqali Xitoy nufuzini pasaytirmoqchi hamda Paygʻambarlik minhoji asosidagi roshid Xalifalikning barpo boʻlishini oldini olmoqchi.
Bayonot soʻnggida Bangladesh armiyasi safidagi xolis zobitlarga murojaat qilindi:
Allohdan qoʻrqinglar va Hasinaning xoinligiga va yurtdagi musulmonlarga toʻxtovsiz zarar yetkazishiga chek qoʻyinglar. Axir, qachongacha Hasinaning qurolli kuchlaringizni qirgʻin qilishiga, dushman Hindiston talablariga sizni itoat qildirishiga qoʻyib berasiz?! Bu togʻut rejimni agʻdaring va hokimiyatni Paygʻambarlik minhoji asosidagi roshid Xalifalikni barpo etishi uchun Hizb ut-Tahrirga topshiring. Ana shunda Rosululloh ﷺning ushbu bashoratlari roʻyobga chiqadi:
“عِصَابَتَانِ مِنْ أُمَّتِي أَحْرَزَهُمَا اللَّهُ مِنْ النَّارِ: عِصَابَةٌ تَغْزُو الْهِنْدَ وَعِصَابَةٌ تَكُونُ مَعَ عِيسَى ابْنِ مَرْيَمَ عَلَيْهِمَا السَّلَام”
“Alloh Ummatimdan ikki toifasini doʻzax olovidan saqladi: biri Hindga gʻazot qiladigan toifa, ikkinchisi Iso ibn Maryam bilan birga boʻladigan toifa”.
Roya gazetasining 2019 yil 10 iyul chorshanba kungi 242-sonidan
