Demokratiyadan ehtiyot boʻling! U oʻz ahlini oʻldirib yuboraveradi va demokratiya bayrogʻini qachondir koʻtarganlarni ham ayab oʻtirmaydi!
Seshanba kuni Hizb ut-Tahrirning Misrdagi matbuot boʻlimi doktor Muhammad Mursiyga taʼziya izhor etilgan matbuot bayonotini nashr qildi. Nashrada Alloh Azza va Jalladan Mursiyga rahmat soʻrab, uni Misrda gʻayriislomiy hukm yuritayotgan rahbarlik paytida oʻlim topishidan saqlaganini… musulmonlarni qasddan oʻldirayotgan qattol rejim qoʻlida olti yil mazlum asir holda vafot topganini taʼkidladi. Unda jumladan bunday deyildi:
“Toʻgʻri, marhumning vafoti Ixvonul Muslimin jamoasiga yechim, murosa va ehtimolli yon berish eshigini ochishi mumkin va bunga yaqin qoldi, deb bilamiz. Biroq – Alloh rahmat qilsin – u kishining oʻlimida Islomni tatbiq qilish uchun faoliyat qilayotgan har bir inson bilmogʻi lozim boʻlgan bir qancha ibrat, nasihat hamda haqiqatlar bor: Birinchisi shuki, shu demokratiyaning oʻzi demokratiya bayrogʻini koʻtarib chiqqanlarni bir kun kelib oʻldirib yuboradi va oʻz fidoiylarining goʻshtini yeydi. Qolaversa, zolimlarga orqa qilish-tayanishning oqibati dahshatli halokat boʻlib, ularga orqa qilgan har bir kimsa bu halokatdan omon qolmaydi. Shuningdek, kim Islom bilan hukm yuritmaydigan hukumatlarga aralashadigan boʻlsa, tamom bu narsa na Islomga yordam beradi va na daʼvatga. Buni ming bor tajribadan oʻtkazdinglar. Bunga aralashganlarning oqibati kofirga malaylikdan hamda kufr qonunlarini tatbiq qilishdan boshqasi boʻlmadi. Bunday holatni ishdan olinishidan oldin Umar Bashirda, Erdoganda, hatto hukmronlik paytida mana shu Mursiyda ham oʻz koʻzimiz bilan koʻrdik. Oʻshanda biz Mursiyga nasihatlar qilgandik, ammo quloq solmagan, Alloh gunohini magʻfirat qilsin”.
Bayonotda baʼzilarning Mursiy qonuniyligi haqida ogʻiz koʻpirtirishayotgani, ammo bu qonuniylik uning oʻzi bilan oʻlib ketgani, hatto oʻlimidan oldin hokimiyatdan agʻdarilgan paytdayoq oʻlib boʻlgani… aytildi. Shuningdek, qonuniylik oʻsha baʼzilarga avrab-aldab berilgani va amerikaparast armiya ularning safini buzib, qoʻzgʻolonini oʻgʻirlagani, keyin oʻzlarini qirib tashlagani taʼkidlandi. Bayonotda oʻgʻirlagan qoʻzgʻolonni qayta boshlash hamda Amerika va uning malaylari changalida qolgan hokimiyatni tortib olib, uning badboʻy kapitalizmiyu nufuzini yurtdan supurib tashlash zarurligi, oʻrniga esa, Islomdan, uning qonuniyligidan, roshid Xalifalikdan yiroqlashtiruvchi demokratik qonuniylikni emas, balki Paygʻambarlik minhoji asosidagi roshid Xalifalikda gavdalanuvchi haqiqiy qonuniylikni barpo etish kerakligi aytildi. Bayonot soʻnggida Kinona armiyasi safidagi xolis harbiylarga bunday murojaat qilindi: “Bas, shunday boʻlgach, arzimas narsalarni boqiy narsaga almashing, bu yuvindixoʻr rejimni ildizi bilan qoʻporib tashlash orqali Alloh va Rosuliga yordam bering. Qoʻlingizni Hizb ut-Tahrir aʼzolari qoʻliga berib, birgalikda Paygʻambarlik minhoji asosidagi roshid Xalifalik davlatini barpo eting. Ushbu davlatgina Misr ahli istayotgan va uning uchun qoʻzgʻalgan barcha narsani ziyodasi bilan beradi”.
Roya gazetasining 2019 yil 26 iyun chorshanba kungi 240-sonidan
