Yurtlarimizda AQSh kuchlarining turishi aslida nufuz uchun kurashdan boshqa narsa emas
Ommaviy axborot vositalarida, elektron saytlar va videolavhalarda tarqatilgan xabarlarda Falluja shahrida hamda Salohiddin, Naynavo, Arbil kabi boshqa muhofazalarda AQSh kuchlarining mavjudligi toʻgʻrisida aytilmoqda. AQSh elchixonasi ham Iroqda 5200 amerikalik askar borligini tasdiqlamoqda. Iroqdagi rasmiy doiralar esa, bu xabarlarni inkor qilmoqda. Hizb ut-Tahrirning Iroqdagi matbuot boʻlimi bu xususda matbuot bayonoti chiqarib, bunday deydi:
“1 – AQSh kuchlarining faqat Iroqdagina emas, balki butun mintaqada mavjud boʻlib turishi aslida, nufuz uchun kurashdir. Uning maqsadi Ummatning cheksiz boylik va resurslari ustidan hukmron boʻlish va Amerika manfaatlarini mudofaa qilishdir. Chunki bu davlat aslida, oʻz manfaatidan boshqa narsani oʻylamaydi, manfaati yoʻlida insoniylik, axloq va adolatni oyoq osti qilib ketaveradi.
2 – Amerika Iroq zaminini ishgʻol etgandan beri, oʻzining mintaqadagi strategiyasini amalga oshirish uchun barqaror reja boʻyicha harakat qilyapti. AQShning muhim strategiyalaridan biri Sayks-Piko loyihasini qayta ishlab chiqish, uni buzib qismlarini qayta terish va Sayks-Piko chegaralarini boshqatdan belgilashdan iborat. Shuningdek, davlatlarni zaiflashtirish bosqichidan, ularni bir-biriga qarshi jang qiluvchi yanada zaif toifalarga aylantirish bosqinchiga oʻtish va shu orqali ularning har birini birma-bir zaiflashtirishdan iborat. Biroq bu strategiyasining mexanizmi vaqti-vaqti bilan oʻzgarib, Iroqdagi voqea-hodisalarga qarab, u yer-bu yerda izdan chiqib ketmoqda. Ammo Amerika Iroqqa kirishiga sabab boʻlgan asosiy maqsadlaridan chekingani yoʻq.
3 – AQSh-Eron munosabatlaridagi zohiran dushmanlik boʻlsa-da, biroq haqiqatda, bu munosabatlar ortida ikki davlat uchun muhim manfaatlar yashiringan. Sodda siyosatchilar – Eron Amerikaga dushman, Amerika Eronga zarba yoʻllamoqchi, jangarilarga yordam beryapti, degan dastak bilan Eronni zaiflashtirmoqchi, deb oʻylaydi. Biroq siyosiy haqiqat shunga dalolat qilmoqdaki, ikki davlat oʻrtasida mustahkam aloqa mavjud. Ularning tarixdagi munosabatlari Humayniy inqilobidan boshlab, bugungi kunga qadar bir-biriga teskari, degan gaplar axborot vositalari tomonidan aytiladigan gaplar xolos. Haqiqatda esa, unday emas. Eron mintaqada zukko rolь oʻynamoqda, degan gap ham xato, chunki bu davlat mintaqada Amerika roziligi boʻyicha harakat qiladi, oʻzining bu harakati nimani anglatishini ham, oʻzining haddini ham yaxshi biladi va undan nariga zarracha oshib oʻtmaydi. Amerika siyosatiga qarshi shuncha baqir-chaqirlari gʻirt yolgʻon boʻlib, buni ayni shu haqiqatni berkitish uchun qiladi. Shuning uchun Amerika Eronni oʻz manfaatlariga juda katta xizmat qilayotganini koʻrmoqda, hatto Amerika maʼmuriyatidagi qaror egalari ham Eron rejimini saqlab turish, uni oʻzgartirishdan koʻra afzaldir, deb hisoblashmoqda.
Xullas kalom, Iroqdagi ahlimizga aytar soʻzimiz: sizni bosqinchi, uning malaylari va gumashtalarining shirin gaplari aldab qoʻymasin. Chunki bu malay hukmdorlar Alloh Taoloning
يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ
“Ey moʻminlar, yahudiylar va nasroniylarni doʻst tutmangiz! Ularning baʼzilari baʼzilariga doʻstdirlar, sizlardan kim ularga doʻst boʻlsa, bas, u oʻshalardandir. Albatta, Alloh zolim qavmni hidoyat qilmas” [Moida 51]
degan kalomini unutishgan yoki oʻzlarini unutgan qilib koʻrsatishmoqda. Demak, kofirlarga ergashish, hayotda oʻshalarning fikrlari boʻyicha yashash, oʻshalar bilan birga yurib, oʻshalarga ishonish, oʻshalarni doʻst, tarafdor va ittifoqchi qilib, ular bilan bitimu shartnomalar tuzish… bularning barchasi Iroqni falokatga roʻpara qilgan narsalardir. Bu narsalar ushbu yurtni oʻz mavqeidan tushirib, korruptsiya, qoloqlik, barqarorlik va xavfsizlikning yoʻqligi, xizmat koʻrsatishning yomonligi… borasida birinchi raqamli davlatga aylantirdi.
Shuning uchun shariatimiz bizga kofirning barcha loyihalarini uloqtirishga, uning rejalarini barbod qilish uchun barcha sharʼiy vositalarni ishga solishga, kofirni barcha gumashtalari bilan qoʻshib, yurtdan quvib solishga buyuradi. Bu esa, Paygʻambarlik minhoji asosidagi roshid Xalifalik davlatini barpo etish orqali islomiy hayotni qayta boshlash bilangina amalga oshadi. Zero, ushbu davlat kofir va uning tarafdorlarining barcha orzu-maqsadlarini puchga chiqaradi, nafaqat musulmonlarga, balki butun olamga adolat va ezgulik ulashadi. Bu kun aslo uzoq emas.
Roya gazetasi saytidan olindi
