Shoygu: Moskva hukumati Tramp va Putinning uchrashuvidan umidvor
AQSh prezidenti Donald Tramp va Rossiya Prezidenti Vladimir Putin oʻrtasida boʻlib oʻtgan uchrashuv ortidan Moskva hukumati ikki davlat va NATO oʻrtasidagi harbiy hamkorlikni rivojlantirish oson kechishiga umid qilmoqda. Bu haqida Rossiya mudofaa vaziri Sergey Shoygu seshanba kuni jurnalistlar uchun tashkil qilingan matbuot anjumanida maʼlum qildi.
“16 iyul kuni Xelsinkida boʻlib oʻtgan Rossiya-Amerika sammitidan Moskva umid qilmoqda. Bu uchrashuv Vashington va Shimoliy anlanitik ittifoqi bilan harbiy hamkorlikni chuqurlashtirish uchun kuchli turtki beradi”, dedi Rossiya mudofaa vaziri Rossiya mudofaa vazirligining yigʻilishida.
“Shuningdek, bu uchrashuv umumiy xavfsizlikni taʼminlash borasidagi saʼy-harakatlarimizni mustahkamlashga imkoniyat yaratadi”, deya qoʻshimcha qildi u.
Putin va Tramp oʻrtasidagi ikki tomonlama birinchi uchrashuv 16 iyul kuni Finlyandiya poytaxti Xelsinkida boʻlib oʻtgan edi.
Ushrashuvdan soʻng ikki davlat rahbari ham sammitdan ikki davlat oʻrtasidagi munosabatlarni yaxshilashga qiziqish izhor qilishdi.
Trampning bayonotlari Qoʻshma Shtatlarda unga qarshi keskin tanqidlar yangrashiga sabab boʻldi. AQShning bir qator siyosatchilari Trampni milliy manfaatlarga xiyonat qilishda ayblashdi.
