AQSh Iroqni qayta tiklash uchun mablagʻ ajratishni istamaydi
Amerika Qoʻshma Shtatlarining harbiy amaliyotlari tufayli harobaga aylangan Iroqni qayta tiklash uchun AQSh mablagʻ ajratishni istamaydi. AQSh Davlat departamentining bayonotida aytilishicha, Vashington maʼmuriyati Quvaytda oʻtgan konferentsiyada bu haqida maʼlum qilgan.
Iroq hukumatining bildirishicha, mamlakatni qayta qurish ishlarini olib borish uchun eng kamida 100 milliard dollar kerak boʻladi. 12-14 fevral kunlari Quvaytda boʻlib oʻtgan xalqaro konferentsiyada Iroqni qayta tiklash masalasi koʻrib chiqilishi aytilayotgan edi.
AQSh va boshqa Gʻarb davlatlarining vakillari Iroqni qayta tiklash uchun oʻz hissasini qoʻshish rejasi yoʻqligini taʼkidlashmoqda. Ularga koʻra, Iroqning infratuzilmasini tiklash uchun sarflanadigan mablagʻ IShID yana oʻzini mustahkamlab oladigan shaharlarni rekonstruktsiya qilish demakdir.
AQSh aʼmuriyati oʻz qoʻllari bilan vayronaga aylantirgan Iroqni qayta tiklash uchun mablagʻ ajratish u yoqda tursin, AQSh rahbari Donalьd Tramp 2017 yilning boshida Iroq mulozimlarining AQSh banklariga qoʻygan mablagʻlarini musodara qilishi toʻgʻrisida qaror chiqargan edi. Bu haqida bir qancha arab saytlari xabar tarqatdi. Xabarda aytilishicha, Iroq mulozimlarining AQSh banklariga qoʻygan milliardlagan dollarlari Amerika xalqining mulkiga aylantirilgan va bu Iroqda halok boʻlgan amerikalik askarlar uchun “xun haqi” ekani bilan izohlangan.
Mablagʻlari musodara qilingan Iroq mulozimlarining nomi AQSh gʻaznasi saytida nashr qilindi:
Nuriy Molikiy 66 milliard $
Masʼud Borzoniy 59 milliard $
Iyod Alaviy 44 milliard $
Baho Aʼrajiy 37 milliard $
Jalol Toliboniy 35 milliard $
Odil Abdulmahdiy 31 milliard $
Boqir Zabidiy 30 milliard $
Rofe Isaviy 29 milliard $
Solih Matlak 28 milliard $
Usoma Najifiy 28 milliard $
Adnon Asadiy 25 milliard $
Hushar Zeyboriy 21 milliard $
Muhammad Karbuliy 20 milliard $
Muhammad Darojiy 19 milliard $
Ali Iloq 19 milliard $
Saʼdun Dalimiy 18 milliard $
Haydar Ibodiy 17 milliard $
Foruq Aʼrajiy 16 milliard $
Salim Jaburiy 15 milliard $
Ahmad Nuriy Molikiy 14 milliard $
Ali Yasoriy 12 milliard $
Toriq Najm 7 milliard $
Hasan Anboriy 7 milliard $
