Toshkentda terrorizmga qarshi kurash boʻyicha anjuman boʻlib oʻtdi
1-noyabr kuni Toshkentda “Terrorizmga qarshi kurashish – chegarasiz hamkorlik” mavzusida oʻtkazilgan anjumanda ShHT mintaqaviy aksil terrorchilik tuzilmasi rahbari Yevgeniy Sыsoyev jahondagi terrorchilik vaziyat haqida axborot berdi. Bu haqida Sputnik nashri xabar qildi.
Uning soʻzlariga koʻra, dunyoda notinch va bashorat qilish murakkab boʻlgan vaziyat hosil boʻlgan. Yaqin Sharqda toʻqnashuvlar davom etib, dunyo mamlakatlari tinchligiga tahdid solmoqda.
“Aksil terrorchilik kuchlarning harbiy bosimi natijasida Suriya va Iroq hududida jangovar harakatlarining joʻgʻrofiyasi oʻzgarishi bilan terrorchilarning taktikasi ham oʻzgarmoqda. Xalqaro terrorchilik uyushmalar aʼzolari Afgʻoniston hududiga oʻtib olmoqdalar, jumladan ShHTga aʼzo davlatlarining chegaralariga yaqinlashmoqda. Shuningdek, terrorchilar kelib chiqish mamlakatlariga qaytib, u erda xufyona guruhlarni tashkil qilishmoqda”,- dedi Sыsoyev.
ShHT aksil terrorchilik tuzilmasi rahbari fikriga koʻra, ushbu shart-sharoitlarda tahdidlarga qarshi chora-tadbirlarni aniqlash va amalga oshirish tuzilmaning eng dolzarb vazifasi hisoblanadi.
Sыsoyev soʻzlariga koʻra, aksil terrorchilik tuzilmasi amaliy faoliyat va muvofiqlashtirish boʻyicha katta tajribaga ega boʻldi. Oʻzaro axborot almashinuvi va tezkor-qidiruv va protsessual harakatlarni amalga oshirish boʻyicha meʼyoriy-huquqiy hujjatlar ishlab chiqilib, tasdiqlandi.
Tuzilma kengashi tomonidan hamkorlikda qabul qilingan choralar asosida terrorizm uchun xalqaro qidiruvda boʻlgan shaxslarni jinoiy javobgarlikka tortish va ekstraditsiya qilish ishlari amalga oshiriladi.
“Yuzaga kelgan tezkor vaziyatni hisobga olgan holda aksil terrorchilik tuzilmasining istiqbolli vazifasi xalqaro terrorchilik uyushmalari asosini tashkil qiluvchi xorijiy terrorchi jangarilarga qarshi kurashish hisoblanadi. Buning uchun “Islomiy davlat”, “Jabxat an-Nusra”, “Hizb ut-Tahrir al-Islomiya”, “Sharqiy Turkiston islomiy harakati”, “Tojikiston islomiy tiklanish partiyasi” va boshqalar faoliyati toʻgʻrisida oʻzaro axborot almashinuvi olib boriladi. Bu Yaqin Sharq mamlakatlariga terrorchilik uyushmasiga qoʻshilgan shaxslarni hisobga olish va qidirishda yordam bermoqda”,- deb taʼkidladi aksilterrorchilik tuzilmasi rahbari.
Sыsoyeva soʻzlariga qaraganda, hamkorlikni yanada rivojlanishiga har yili 2-3 marotaba oʻtkaziladigan aksilterrorchilik oʻquv mashgʻulotlar oʻz natijasini bermoqda. Xususan, Tojikiston, Xitoy va Rossiya maxsus xizmatlari Dushanbe, Artush, Yaroslavl shaharlarida mashgʻulotlar oʻtkazildi.
“Bu faoliyat oʻzining samarali natijalarini bermoqda. Jumladan, 2016 yilda Rossiya Federal xavfsizlik xizmati Tojikiston va Qirgʻiziston hamkasblari bilan Moskva, Sankt-Peterburg, Yekaterinburg, Nijniy Novgorod shaharlarida tayyorgarlik bosqichida boʻlgan 40 ta terrorchilik jinoyatlari fosh qilindi. Qozogʻiston, Qirgʻiziston, Rossiya vakolatli organlari tomonidan “Islomiy davlat” terrorchilik uyushmasi tomonidan ShHT davlatlarida rejalashtirilgan terrorchilik harakatlari oldi olindi”,- deb axborot berdi aksilterrorchilik tuzilmasi direktori.
