BMT: Arakan qochqinlari uchun 430 million dollar zarur
Birma davlat armiyasi va qurollangan buddistlarning ommaviy qirgʻinlaridan Bangladeshga qochgan Arakan musulmonlarining asosiy insoniy ehtiyojlarini qondirish uchun 430 million dollar zarur. Bu haqida BMT bosh kotibining insonparvarlik masalalari boʻyicha yordamchisi Mark Loukok va YuNISEFning ijrochi direktori Entoni Leyk Bangladeshdagi qochqinlar lageriga tashrif buyurganidan soʻng mushtarak bayonot berdi.
“Odamlar och va suvsiz, sarosimaga tushib qolgan. Ularga boshpana, oziq-ovqat, toza suv va sogʻliqni saqlash xizmatlari kabi shoshilinch yordam kerak”, deyiladi jumladan bayonotda.
BMT tomonidan eʼlon qilingan hisobotga koʻra, budparast Myanma hukumati va uning armiyasining etnik tozalashidan qochib Bangladeshdan boshpana topgan arakanlik Musulmonlarning soni 507 000ga yetgan.
Turkiya Tashqi ishlar vazirligi agar Bangladesh arakanlik qochqinlarni qabul qiladigan boʻlsa, xarajatlar Turkiya tomonidan qoplanishini bildirgan edi. Soʻngi xabarlarga koʻra, Bangladesh hukumati budparastlarning zulmidan qochib kelgan musulmon qochqinlarni mamlakatiga qaytarish uchun qoʻshni Birma hukumati bilan muzokarani boshlagan. Bu haqida Bangladesh tashqi ishlar vazirligining rasmiysi maʼlum qildi.
Hizb ut-Tahrirning Turkiyadagi matbuot boʻlimining raisi Mahmud Qorning taʼkidlashicha, Arakandagi qirgʻinlar ham, dunyoning boshqa joylaridagi vahshiyliklar ham BMT orqali hal boʻlmaydi, balki zulmga qarshi armiyalarni safarbar qilish bilangina hal boʻladi.
“Arakanda musulmonlarga qilingan zulmlar Islom olamidagi boshqa joylarda yuz berayotgan zulmlardan oʻzib ketdi. Bu Alloh Taoloning Islom oʻlkalari yetakchilariga xitoban
وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنْ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَنَا مِنْ لَدُنْكَ وَلِيًّا وَاجْعَل لَنَا مِنْ لَدُنْكَ نَصِيرًا
“Sizlarga nima boʻldiki, Alloh yoʻlida va “Parvardigoro, bizni egalari zolim boʻlgan bu shahardan ozod qil va bizga oʻz huzuringdan bir doʻst bergin, bizga oʻz huzuringdan bir yordamchi qilgin”, deyayotgan erkaklar, ayollar hamda bolalardan iborat boʻlgan bechoralar (ni ozod qilish) yoʻlida jang qilmayapsizlar?!”, degan kalomini yodga soladi.
Darhaqiqat Alloh Taolo bu oyatda sifatlagan ayollar, yosh bolalar va erkaklarni Arakanda, Falastinda, Suriyada, Kashmirda va zulmga uchragan oʻlkalarning barchasida koʻryapmiz. Ular faryod qilgan hollarida oʻz yurtlaridan quvgʻin qilinmoqda. Musulmon oʻlkalarning rahbarlariga nido qilsalar-da, ular sukut saqlagan holda tomoshabin boʻlib turishibdi. Xoʻsh nima qilish kerak, kim javobgar? Musulmon shaxslarmi yoki Islomiy jamiyatlarmi yo nodavlat tashkilotlarmi yoxud Islomiy olimlarmi? Bu yerda hammamiz javobgarmiz. Musulmonlarga kelsak, ular shaxs sifatida, jamoat sifatida, olim sifatida imkonlari boricha qoʻllaridan kelgan harakatni qilishmoqda. Yordam qilishmoqda, duo qilishmoqda, qarshi munosabat bildirishmoqda, mazlumlarni qoʻllab quvvatlashmoqda. Ammo eng katta javobgarlik davlatlar va rahbarlar zimmasiga tushadi. Chunki Arakanda musulmonlarni Birma davlati qatl qilmoqda. Suriyada kufr davlatlari va Asad rejimi musulmonlarni oʻldirmoqda. Demak davlatning qarshisiga davlat chiqishi, armiyaga qarshi armiya kurashishi lozim. Bugun Islom oʻlkalarining rahbarlari Arakandagi hodisalarga tomoshabin boʻlib turishibdi. Turkiya bir qancha rasmiy bayonotlar berdiyu, barchasida muammoni BMTga havola qildi. BMTga havola qilingan masalalar musulmonlar uchun qimmatga tushganligini bilamiz. Shu bois musulmonlar oʻz rahbarlaridan qatʼiy amaliy qadamlar tashlashini talab qilishlari lozim. Insoniy moddiy yordamlar, BMTni bosh-qosh boʻlishga chorlash yoki qattiq tanqid qilishlar zulmlarni toʻxtatmaydi, mazlumlarning dardiga malham boʻlmaydi. Demak davlat va armiyalar qatʼiy qadamlar tashlashi lozim” – deydi Hizb ut-Tahrirning Turkiyadagi matbuot boʻlimining raisi.
