Tojikistonda “terroristlar” qora roʻyxati tuzildi
Tojikiston milliy Banki tomonidan 1362 nafar “terrorizm”ga aloqador shaxslarning roʻyxati nashrga chiqarildi. Ushu roʻyxatda Tojikiston islomiy oʻygʻonish partiyasining (HNIT) raisi Muhiddin Kabiriy Suriya va Iroqda jang qilayotganlar qatoridan joy olgan.
“Axbor” saytiga chop etilgan “Milliy roʻyxat” nusxasi 19 avgust kuni yetib keldi. Roʻyxat ikki banddan iborat boʻlib biri “Tojikistonda terrorizmga aloqador deb eʼtirof qilingan yuridik shaxslar”, ikkinchisi “Tojikistonda terrorizmga aloqador deb eʼtirof etilgan huquqiy shaxslar”dir.
Xabarda aytilishicha bu kabi milliy ruyxatlarning tuzilishidan maqsad, halqaro FATF tashkiloti doirasidagi terrorizmga qarshi kurash va terrorizmni moliyalashtirishning oldini olish boʻyicha chora tadbirlar koʻrishdir. Zero Tojikiston davlati ham ushbu tashkilotga aʼzo sifatida oʻziga yuklatilgan vazifalardan masʼuldir.
Bu haqida jurnalistlarga maʼlumot bergan (ismi oshkor qilinishini istamagan) yuqori lavozimli shaxs roʻyxat xususida quyidagilarni soʻzladi: “Ayni roʻyxat Tojikiston fuqarolari, shu jumladan xorijiy shirkatlar vakillariga bir ogohlantirish sifatida tuzib chiqilgan. Toki ular roʻyxatda qayd etilgan tashkilotlar va shaxslar bilan aloqada boʻlishdan ehtiyot boʻlishsin va ulardan xech qanday moliyaviy va hatto moddiy yordamlarini qabul qilishmasin. Agarda biror fuqaro yuqorida tilga olingan shaxslar bilan aloqa oʻrnatsa, Tojikiston qonuniga muvofiq jinoiy javobgarlikka tortiladi hamda terrorizm va ektremizni moliyalashtirishda ayblanib, ogʻir jazoga tortiladi”.
Joriy yilning mart oyida nashrga chikarilgan roʻyxatga muvofiq 1362 nafar shaxsning ismi sharifi qayd etilgan edi. Ikki roʻyxat avvalida terroristik tashkilotlarga aʼzo 48 nafar ismi keltirilgan va 157 kishi Interpol qidiruv sistemasi roʻyxatidan joy olganligi belgilab oʻtilgan.
Manba: Sayt Axbor
