Tramp Musulmonlarga yana nafratini sochdi
Ispaniyada yuz bergan terror hujumlari ortidan AQSh prezidenti Donald Tramp ijtimoiy tarmoqlar orqali bergan bayonotida Musulmonlarga nafratini sochdi. Uning Musulmonlardan nafratlanishi oʻz ogʻizidan oshkor boʻldi, dilidagi adovati esa yanada kattaroqdir.
Tramp 13 kishining hayotiga zomin boʻlgan Barselona hujumi haqida yozar ekan, AQSh Generali Jozef Pershing birinchi jahon urushida Filippinda asirga tushgan Musulmon jangchilarni bir joyga toʻplab, toʻngʻiz qoniga botirilgan oʻq bilan otib tashlaganligini namuna qilib keltirdi.
“AQSh Generali Pershing terrorchilarni qoʻlga olgan paytda nima qilganligini bir eslang. Shundan soʻng 25 yil boʻyicha radikal Islomiy terrorizm qayta yuzaga kelmadi”, dedi Tramp.
Bundan avval Tramp 2016 yildagi saylovoldi kampaniyasi davomida ham Musulmonlarga nisbatan xuddi shu hodisani, yaʼni musulmon jangchilarning toʻngʻiz qoniga botirilgan oʻq bilan ommatan otib tashlanishini terrorizmga qarshi samarali kurash uslubi sifatida namuna qilib keltirgan edi.
“General Pershing 50 dona oʻq olib ularni toʻngʻizning qoniga botirdi. Soʻng bu oʻqlarni askarlarining qurollariga joylab, devorga tizib qoʻyilgan 50 nafar terrorchilardan 49 nafarini otib tashladi. Odamlarga bu voqeani aytib bersin, deya faqat bittasini tirik qoldirdi. Shundan soʻng 25 yil davomida hech qanday muammo yuzaga kelmadi”, degan edi Tramp 2016 yil 19 fevral kuni Janubiy Karolinadagi saylovoldi kompaniyasida.
AQSh prezidenti tivitter ijtimoiy tarmogʻi orqali oʻsha misolni yana namuna sifatida keltirdi. U AQSh generali Pershingning Filippindagi musulmon jangchilarga qoʻllagan uslubini yangidan tatbiq qilish haqida soʻz ochar ekan, Islom dushmanligi va irqchilik Gʻarbda asosiy madaniy muammoga aylanganligini taʼkidladi.
