Oʻzbekiston Turkiyadan zirhlangan mashinalar sotib oladi
“Sputnik” bergan xabarga koʻra, Oʻzbekiston hukumati Turkiyadan bir partiya zirhlangan mashinalarni xarid qilishni rejalashtirmoqda.
Ushbu kelishuv tafsilotlari Turkiya Mudofaa vaziri Nurettin Janikli boshchiligidagi delegatsiya aʼzolari bilan Toshkentda boʻlib oʻtgan muzokaralar chogʻida muhokama qilingan.
“Oʻzbekiston Nurol kompaniyasining EJDER 4×4 rusmli yengil zirhlangan avtomobillarini xarid qilishni rejalashtirmoqda. Oʻzbekiston tomon oʻz sharoitida 2017 yilning iyul oyida avtomobilni sinovdan oʻtkazdi va olingan natijalardan mamnun boʻldi. Ayni vaqtda respublika Mudofaa vazirligi ehtiyojlari uchu ushbu harbiy texnikadan oʻn dona xarid qilish masalasi koʻrib chiqilmoqda”,- deb taʼkidladi harbiy muassasa vakili.
Vakilning soʻzlariga koʻra, Oʻzbekiston tomon Turkiya bilan harbiy-texnik hamkorlikni bundn keyin ham rivojlantirishga tayyor. Buning uchun ayni vaqtda Oʻzbekiston hududida shu turdagi avtomobillarni ishlab chiqarish boʻyicha qoʻshma korxona tashkil qilish va buning uchun Turkiya tomonning sarmoyalarini jalb qilish masalalari koʻrib chiqilmoqda.
Zirhlangan EJDER 4×4 avtomobili ikki nafar ekipaj uchun moʻljallangan boʻlib sakkiz nafargacha desantlarni tashish imkoniga ega. Avtomobilga turli xildagi qurol-aslahalar oʻrnatilishi mumkin.
Turkiston:
Bunday ixcham desant tashuvchi mashinalar odatda grajdanlar urushida yoki fuqorolar toʻpalonlarini bostirish amaliyotlarida ishlatiladi.
Oʻzbekiston hokimyatining yetakchilari nimaga tayorlanishayapti!? Balki, Karimovdan keyingi rejim yetakchilari oʻrtasidagi ziddiyat jiddiy tus olib borayotgani bois harbiylar vaziyatni oʻz qoʻllariga olishga tayorgarlik koʻrishayotgandir!
