Hamas harakatining yetakchisi Xolid Mashʼal Qatar poytaxti Dohada tashkil qilingan matbuot anjumanida Hamasning yangi siyosiy hujjatini eʼlon qildi. Hujjatda 2007 yildan beri Gʻazo boʻlgasini boshqarib kelayotgan Hamas harakati birinchi marta 1967 yilda bosib olingan hududlar ichida tiklanadigan Falastin davlatini qoʻllab-quvvatlashi olgʻa surildi. Isroil 1967 yilda Misr, Iordaniya va Suriya bilan qilgan jang natijasida Gʻarbiy Sohil, Gʻazo va Sharqiy Quddusni bosib olgan edi.
Isroilni yoʻq qilishga boʻlgan chaqirigʻidan ham voz kechganligini maʼlum qilgan Hamas harakatining rahbari Xolid Mashʼal oʻzaro kurash yahudiylarga emas, “sionist bosqinchilar”ga qaratilganligini qoʻshimcha qildi.
Hujjatda Hamasning Falastin saflarini birlashtirish, koʻppartiyaviylik, demokratik tanlov va oʻzaro dialog asosida munosabatlar yuritishga ishonch bildirildi.
Hamas lideri Mashʼal oʻzining Tvitter hisobida ham “Hamas keng ishtirokli demokratiyaga ishonadi hamda oʻzaro dialog va boshqalar bilan yashashga tayyordir” deya yozdi.
Hamasning ushbu “Siyosiy Hujjat”i Falastin prezidenti Mahmud Abbosning Vashington safaridan oldin eʼlon qilindi.
Ayni paytda Turkiya tashqi ishlar vaziri Mavlut Chavushogʻlu Turk hukumati Hamasga qurollarini tashlab, Isroil bilan muzokaralar boshlash uchun bosim oʻtkazganligini maʼlum qildi. Chavushoʻgʻliga koʻra, Hamas harakati Isroilni tan olib, parlament saylovlari oʻtkazishga tayyor ekanligini bildirgan.
Turkiston:
Hamas harakati tuzilganda Islom Ummati undan yaxshilikni kutgan edi. Chunki u paydo boʻlgan kunining ertasidayoq “Oslo” shartnomasidan yuz oʻgirganligini eʼlon qildi. Buni koʻrgan musulmonlar “Hamas Masjidul Aqsoni yahudlar iflosligidan ozod qiladi”, deb oʻylashdi. Ammo Hamas bunday niyati yoʻqligini ummatdan yashirib keldi. Uning rahbarlari Ummatning umidini puchga chiqarib, muqaddas tuproqni arzimagan mansab va martabalar evaziga sotib yubordilar.
Toʻgʻri, Hamas oʻtgan asrning 80 yillari oxirlarida Falastinni yahudlar changalidan ozod qilish uchun Alloh yoʻlida jihod qilishni eʼlon qildi. Biroq vaqtlar oʻtishi bilan uning yoʻnalishi oʻzgara boshladi. Bora-bora u ham Islom va musulmonlarga qarshi til biriktirgan davlatlarning koʻrsatmalariga muvofiq ish yuritadigan boʻlib qoldi.
Eslatib oʻtish joizki, Falastin muammosi faqat Islom ahkomlari asosidagina hal etiladi. Chunki Falastindagi kurashning asosi aqidaga borib taqaladi. Yaʼni, yahudiylar musulmonlarning yerlarini diniy nuqtai nazardan kelib chiqib bosib oldilar. Shuning uchun unga Falastin muammosi deb emas, Islomiy Ummat muammosi deb qaraladi. Chunki Falastin yeri barcha musulmonlar himoya qilishlari lozim boʻlgan xirojiy yerdir. Kim boʻlishidan katʼiy nazar uning bir qarichidan ham voz kechishga haqqi yoʻq. Hamasning yuqorida taqdim qilgan hujjati esa Islom nuqtai nazaridan sariq chaqaga ham olinmaydi.
