Obama Rossiyaga qarshi sanktsiyalarni yana bir yilga uzaytirdi
“CA-NEWS” tarqatgan xabarga koʻra, prezidentlik muddati yakuniga yetayotgan Barak Obama Qrim annektsiyasi ortidan Rossiyaga qarshi qoʻllangan sanktsiyani yana bir yilga uzaytirdi.
Obamaning fikricha, Rossiya Federatsiyasining harakati va siyosati AQShning milliy xavfsizligi va tashqi siyosatiga nisbatan favqulodda va oʻziga xos tahdid uygʻotishda davom etmoqda.
“Shu boisdan, Ukrainaga nisbatan qabul qilingan 13660 sonli farmonga muvofiq, favqulodda holat (sanktsiya) tartibini uzaytirish lozim deb qaror qildim”, – deb qayd etgan prezident.
Bundan tashqari, Barak Obama Eron, Kuba, Liviya, Zimbabve, Venesuela va “Yaqin Sharqda tinchlik jarayoniga tahdid solayotgan terrorchilarga” qarshi sanktsiya muddatini uzaytirgan.
