بسم الله الرحمن الرحيم
Shogirt ustozidan oʻtibdi, deganlaridek, qonxoʻr Karimovdan Mirziyoyev oʻtib ketadimi yoki …
13 oktyabr kuni Andijon shahrining Bogʻishamol dahasida bir qancha erkaklari qamalgan xonadonlarga organ hodimlari noqonuniy kirib, vaxshiylarcha tintuv oʻtkazgan. Keksa onaxonlar, ayollar va yosh bolalarni qoʻrqitib, koʻzga koʻringan boyumlarni koʻtarib chiqib ketishgan. Bu bosqinchilikning va u xonadonlarda oʻtkazilgan tintuvning sabablari haqida yoki narsalarni nimaga olib ketilayotganiligi haqida uy egalariga birorta maʼlumot berilmagan. Hishom ibn Hakim rivoyat qiladi; “Guvohlik beramanki, albatta men Rosululloh (s.a.v)ning shunday deganini eshitdim:
“إِنَّ اللَّهَ يُعَذِّبُ الَّذِينَ يُعَذِّبُونَ النَّاسَ فِي الدُّنْيَا”
“Alloh odamlarni dunyoda azoblagan kimsalarni albatta azoblaydi”.
(Imom Muslim). Rosululloh (s.a.v) yana shunday dedilar:
“صِنْفَانِ مِنْ أَهْلِ النَّارِ لَمْ أَرَهُمَا: قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ…”
“Doʻzax ahlidan ikki toifa borki men ularni koʻrmaganman: bir qavmki ular bilan sigir dumlaridek qamchilar boʻladi, ular bilan odamlarni urib kaltaklashadi…”. Bu hadisni Muslim Abu Hurayra orqali rivoyat qildi. Misvar Nabiy (s.a.v)ning shunday deganini rivoyat qildi:
“مَنْ أَكَلَ بِرَجُلٍ مُسْلِمٍ أَكْلَةً فَإِنَّ اللَّهَ يُطْعِمُهُ مِثْلَهَا مِنْ جَهَنَّمَ، وَمَنْ كُسِيَ ثَوْبًا بِرَجُلٍ مُسْلِمٍ فَإِنَّ اللَّهَ يَكْسُوهُ مِثْلَهُ مِنْ جَهَنَّمَ…”
“Kimki bir musulmon(ni yomonlash yoki unga ozor berish) evaziga bir luqma taom yesa Alloh uni jahannamdan shu luqma mislichasini taomlantiradi, kimki bir musulmon(ni yomonlash yoki unga ozor berish) evaziga bir kiyim kiysa Alloh unga jahannamdan shu kiyim mislichasini kiyintiradi…”. Bu hadisni Abu Dovud va Ahmad rivoyat qildi.
Paygʻambarimiz(s.a.v) uylar hurmati haqida bunday dedilar:
“لَوْ أَنَّ رُجُلاً اِطَّلَعَ عَلَيْكَ بِغَيْرِ إِذْنٍ، فَخَذَفْتَهُ بِحَصَاةٍ، فَفَقَأْتَ عَيْنَهُ، مَا كَانَ عَلَيْكَ بِجُنَاحٍ”
“Agar biron kishi sening uyingga iznsiz qarasa, sen unga tosh otib koʻzini chiqarib qoʻysang senga hech qanday gunoh boʻlmaydi”. Bu hadisni Muslim Abu Hurayra orqali rivoyat qildi. Paygʻambarimiz (s.a.v) yana bunday dedilar:
“مَنِ اطَّلَعَ عَلَى قَوْمٍ فِي بَيْتِهِمْ بِغَيْرِ إِذْنِهِمْ فَقَدْ حَلَّ لَهُمْ أَنْ يَفْقَئُوا عَيْنَهُ”
“Kimki bir qavmning uylariga ularning iznisiz moʻralab qaraydigan boʻlsa oʻsha qavm uchun uning koʻzini urib chiqarib qoʻyish halol boʻladi”. Bu hadisni Ahmad Abu Hurayra orqali rivoyat qildi.
Bunga oʻhshagan ishlar avvalgi zolim prezident davrida odatiy hol edi. Lekin vaqtinchalik prezident lavozimida ishlayotgan Sh. Mirziyoyev siyosatda bir qancha toʻgʻri qadamlar bosishga harakat qilishi ortidan omma nazarida hokimiyat vakillari ichida hali insoniyligi oʻlib, butunlay yoʻq boʻlib ketmagan, vijdonlik, oʻz halqiga yon bosadigan, dunyoga sharmanda boʻlishdan uyaladigan insonlar ham bor ekan, degan fikrlar paydo boʻla boshlagan edi. Lekin 13 oktyabr kuni Andijon shahrining Bogʻishamol dahasida boʻlgan ish yana insonlarni xayron qilib qoʻydi: bu zolim prezident davrida oʻrganib qolgan kaltafahmlarning yangi hokimiyatga “sovgʻa” sifatida qilgan pastkashliklarimi yoki vaqtinchalik prezident lavozimida ishlayotgan Sh. Mirziyoyev siyosatidagi; “avvalgi kunlaringni orzu qilib qolasan” degan maʼnodagi jirkanchlikmi?
Biz moʻminga moddiy ziyon yetkazish emas, balki soʻkish ham, hatto yomon gumon qilish ham harom deb bilamiz. Ammo uni oʻldirish kofirlikdir. Paygʻambarimiz (s.a.v) Kaʼbani tavof qilar ekanlar bunday dedilar:
“مَا أَطْيَبَكِ وَأَطْيَبَ رِيحَكِ مَا أَعْظَمَكِ وَأَعْظَمَ حُرْمَتَكِ وَالَّذِي نَفْسُ مُحَمَّدٍ بِيَدِهِ لَحُرْمَةُ الْمُؤْمِنِ أَعْظَمُ عِنْدَ اللَّهِ حُرْمَةً مِنْكِ مَالِهِ وَدَمِهِ وَأَنْ نَظُنَّ بِهِ إِلاَّ خَيْرًا”
“(Ey Kaʼba) Naqadar yaxshisan va naqadar xushboʻysan, naqadar buyuksan va sening hurmating ham naqadar buyuk. Muhammadning joni qoʻlida boʻlgan Zotga qasamki, moʻminning, uning molining va qonining hurmati Allohning nazdida sening hurmatingdan buyukdir. Shuningdek, moʻmin xususida faqat yaxshilikni gumon qilishimiz ham sening hurmatingdan buyukdir”. Bu hadisni Ibn Moja Ubaydulloh ibn Amr orqali rivoyat qildi.
Shuning uchun biz birinchi gumondamiz, yaʼni bu ish zolim prezident davrida oʻrganib qolgan kaltafahmlarning yangi hokimiyatga “sovgʻa” sifatida qilgan pastkashligidir. Lekin vaqtinchalik prezident lavozimida ishlayotgan Sh. Mirziyoyev siyosatida bunday jirkanch ishlarga nuqta qoʻyiladi va yangicha siyosat olib boriladi degan umiddamiz. Buni endi kelajak koʻrsatadi.
Gʻarib.
