Yaman bolalarini kim qutqaradi!?
Yaqinda BMTga qarashli “GʻAO” (oziq-ovqat va qishloq xoʻjalik tashkiloti) hisobot chiqardi. Unga koʻra, Yamanda 11 millionga yaqin shaxs qattiq oziq-ovqat xavfsizligi taqchilligidan aziyat chekmoqda, ulardan 4.8 millioni favqulodda ahvolda qolgan, 1.3 million bola toʻyib ovqatlanishdan mahrum, besh yoshgacha boʻlgan har uch nafar bolalarning bittasi oziq-ovqat yetishmasligidan qattiq aziyat chekadi, 850 mingta bola real ocharchilik tahdidi ostida qolgan. Shuningdek, bombardimon sababli yoki tibbiy resurslar va yonilgʻi tanqisligi sababli 600ga yaqin kasalxona va poliklinikaning yopilgani 7 million shaxsni asosiy sogʻliqni saqlash xizmatidan mahrum qilgan.
Yaman bolalarining bunday insoniy fojea ostida yashashlariga sabab, Saudiya boshchiligidagi Arab davlatlari koalitsiyasining toʻxtovsiz va qasddan nishonga olishlaridir. Shuningdek, Husiy jangarilari va Abdulloh Solih tarafdorlaridan iborat ularning ittifoqchilari tomonidan jinoyatkorona amaliyotlari hamdir. Bularning barchasi yahudiylar davlati hujumida Gʻazo sektori aholisi bilan Livan janubi aholisi boshiga tushgan hodisalarga juda oʻxshaydi. Urush avjga chiqqaniga bir yarim yil boʻlibdiki, yamanliklar insoniy azob-uqubatlardan va fojeaviy vaziyatdan boshlari chiqmaydi. Bu urush taʼsiridan Yaman ahlining hammasi, asosan, bolalar jafo chekmoqda. Yamandagi onalar va bolalar Oliy kengashi hisobotida qayd etilishicha, 2016 yilning mart oyiga qadar 1600 bolakay va qizcha halok boʻlgan, jarohatlanganlar soni 2258 holatdan ortgan, urush sababli 1650 nafar bolakay va qizcha jismonan oʻsishdan toʻxtab qolgan. Kasalliklar va yuqumli kasalliklarning keng tarqalishi, asosiy sogʻliqni saqlash xizmatining yoʻqligi sababli 10 bolaning oʻlimiga olib kelgan.
Bir tomonda, Saudiya regional va xalqaro kuchlar bilan til biriktirgan holda urush jinoyatini sodir etayotgan boʻlsa, ikkinchi tomonda, Husiy jangarilari va Abdulloh Solih tarafdorlari doxil ittifoqchilari ulkan qonunbuzarliklarga, dahshatli jinoyatlarga qoʻl urishmoqda. Yarim ocharchilik butun bir avlodga oʻlim va ocharchilik xavfini solmoqda. Bular ayni xalqaro qurolli kurash bilan ichki kurashda qasddan sodir etilmoqda. Yaʼni koalitsiyaning havo zarbalarida mahalliy bozorlar bilan oziq-ovqat tashuvchi yuk mashinalari nishonga olinmoqda… Yoki – “Xьyuman Rayts Votch” hisobotiga koʻra – shaharlar amalda qamal holatga keltirilmoqda, u yerlardagi aholiga oziq-ovqat va dori-darmon kiritilishi taqiqlanmoqda.
Taʼlim amaliyoti ham zarar koʻrib, hatto 2015 yilda batamom toʻxtab qolgan, bir hafta mobaynida maktablarga qilingan ikki tomonlama hujum oqibatida maktab yoshidagi bolalarning teng yarmi oʻqishga borolmay qolgan, yuzlab maktablar butunlay vayron etilgan, yana yuzlabi qisman vayron etilgan, 400dan ziyodi esa qochqinlar markaziga aylantirilgan, natijada, 3 million bola taʼlim olishdan mahrum boʻlgan, daydi bolalar nisbati yuzdan 49 %ga yetgan.
BMT Yamandagi bolalarning 90 %i haq-huquqini poymol etgan ayni urush toʻgʻrisida bong urmoqda. Biroq buning aksi oʻlaroq, Saudiya boshchiligidagi Arab davlatlari koalitsiyasini hamda qurolli kurashni oʻzining yillik qora roʻyxatidan chiqarib tashlagan ham mana shu tashkilotdir. BMTning birgina shu sharmandagarchiligi uning dunyodagi nufuzli kuchlar oldida arzimas-zaif tashkilot ekanini, xalqaro siyosatda mustaqil emasligini, aksincha, xalqaro ikkiyuzlamachi kuchlar rejasi doirasidan tashqariga chiqolmasligini ochiq koʻrsatib turibdi.
Urush badalini bechora yamanlik bolalar toʻlamoqdalar, toʻlaganda ham, jonlari va orzu-umidlari bilan toʻlamoqdalar. Ularga suiqasd qilayotganlar esa yurtdoshlari boʻlgan Husiylar hamda zararkunanda qoʻshnilar, Saudiya hukmdorlaridir… Yaman bolalari jasadlari aks etgan suratlar turibdi… ularga qasd qilganlar Oli Saud va ularning ittifoqchilari raketalari, Husiy va tarafdorlari oʻrnatgan minalar, munofiq xalqaro hamjamiyatdirki, ularning hammasini shu suratlar doim taʼqib qilib, laʼnatlashda davom etadi.
Saodatli Yaman dunyodagi eng qashshoq davlatning ikkinchisiga aylandi. Birinchi oʻrinda Mavritaniya boʻlib, u yerda oziq-ovqat tanqisligi dunyoda birinchi oʻrinni egallaydi…
Biz Hizb ut-Tahrir markaziy matbuot boʻlimi ayollar qismi aʼzolari, barcha musulmonlarni Yamandagi bolalarni qutqarishga, ularni qirgʻin qilayotgan qoʻllarga bolta urishga hamda yurtu fuqaroni xonavayron qilgan kufr tuzumlari va ularning malaylariga qarshi qoʻzgʻalishga daʼvat qilamiz. To odil rabboniy tuzum barpo etilmas ekan, Yaman ham, uning bolalari ham hargiz saodatli boʻlolmaydi. Paygʻambarlik minhoji asosidagi roshid Xalifalikda gavdalanuvchi ushbu tuzumda bolalar, ayollar, qariyalaru erkaklar doxil butun Ummat himoya qilinadi, ularning qonlari toʻkilishiga va bolalar qirgʻiniga aralashgan har bir kimsadan albatta hisob talab qilinadi, ular hatto Kaʼba yopinchigʻiga osilib olsalar ham, qilgan bunday jinoyatlari aslo kechirilmaydi.
Hizb ut-Tahrirning markaziy matbuot boʻlimi ayollar qismi
telefon-faks: 00961 1 30 75 94
uyali telefon: 00961 71 72 40 43
elektron pochta: ws-cmo@hizb-ut-tahrir.info
