Peterburgdagi sud Stalin davridagidan farqsiz hukm chiqardi
Moskva rayoni harbiy tribunali Hizb ut-Tahrirning uch nafar aʼzolari ustidan hukm oʻqidi. Ulardan ikki nafari, Karim Ibrohimov va Eldor Ramazonovlarni Rossiya Federatsiyasi jinoyat kodeksining 205,5 modda 1-bandi (terroristik tashkilot tuzish) boʻyicha 16 va 17 yilga qattiq tartibdagi koloniyaga hukm qildi. Ilyos Kagirovni ayni moddaning 2-bandi (terroristik tashkilot faoliyatida ishtirok etish) boʻyicha 5 yilga ozodlikdan mahrum etdi.
Taxmin etilganidek, tergovchilar yigitlarning terroristik amaliyotga aloqadorligi toʻgʻrisida birorta ham dalil keltirishgani yoʻq. Bir jihatdan, bu toʻgʻrida dalil keltirish imkonsizdir. Chunki, Hizb ut-Tahrir siyosiy islomiy hizb, harbiy hizb emas. Boshqa jihatdan, Rossiyadagi tergov amaliyoti voqeiga qaragan kishi shuni guvohi boʻladiki, shaxsning Hizbga aʼzo boʻlishining oʻzi uning terroristlikda ayblanishi uchun kifoya qiladi. Ayni voqeda shunday boʻldi. Tergov xulosasiga koʻra, hukm qilingan yigitlar Peterburgda ommaviy uchrashuvlar oʻtkazib, kitoblar oʻqiganlar, xalqaro voqea-hodisalarni oʻrganganlar, elektron aloqa tarmoqlarida videolar orqali aholini daʼvat qilganlar, musulmonlarga va butun jamiyatga xos turli hayotiy masalalar toʻgʻrisida davra suhbati va uchrashuvlar tashkil qilganlar. Mahkama esa ayni tergov xulosasini ularga terroristlik ayblovini qoʻyish va begunoh musulmonlarni uzoq muddatli qamoq jazosiga hukm qilish uchun kifoya deb topdi.
Eldor Ramazonov oʻziga nisbatan sud ishini uydirma, deya ochiq aytdi hamda undan va ayni ayblov bilan hukm qilinayotgan boshqa musulmonlardan bunday yolgʻon ayblovlarni olib tashlashni suddan talab qildi. Karim Ibrohimov oʻzining Hizb ut-Tahrirning aʼzosi ekanini eʼtirof etdi, oʻziga qoʻyilgan barcha ayblovlarni esa rad qildi. Sud esa tergovchilarni va prokuraturani qoʻllab-quvvatladi hamda musulmonlardan oʻch olish uchun Stalin zamonidan qolgan hukmlarni qoʻllash pozitsiyasini tutdi.
Rossiya Islom daʼvati oldida oʻzining zaif davlat ekanini koʻp bor isbotladi. Biroq bu davlat jazodan toabad qutulolmaydi, albatta. Chunki har bir jinoyatchi jazosiz qolmaydi. Mahbub birodarlarimizga esa, Alloh Subhanahu va Taoloning
إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ
“Albatta “Robbimiz Allohdir”, deb, soʻngra toʻgʻri-ustivor boʻlgan zotlarning oldilariga (oʻlim paytida) farishtalar tushib, “qoʻrqmang va gʻamgin boʻlmang, sizga vaʼda qilingan jannat xushxabari bilan shodlaning”, derlar!” [Fussilat 30] degan vaʼdasini eslatish bilan xushnud etamiz.
Ochiq koʻrinib turgan haqiqat shuki, xavfsizlik xizmati Hizb ut-Tahrir aʼzolarining sud qilinishi bilan “terror tahdidi”, degan narsani namoyon qilmoqchi. Shuning uchun axborot vositalari xavfsizlik xizmatining Peterburgda oʻtkazgan amaliyoti tafsilotlarini tong sahardanoq tarqatishni boshladi. Goʻyo tafsilotga koʻra, Lenin koʻchasida joylashgan baland binoda oʻtkazilgan amaliyot chogʻida 4 nafar “yashirin tashkilot vakillari” oʻldirilgani xabar qilindi. Vaholanki, amaliyotni oʻz koʻzi bilan koʻrganlar rasmiy bayonotda aytilgan koʻp narsa ular koʻrgan voqega zid kelayotganini taʼkidlab, bunga shubha bilan qaramoqdalar. Xavfsizlik xizmati Hizb ut-Tahrir masalasida jamiyatda maʼlum aks-sado paydo qildi.
Hukumat takror-takror tarqatayotgan turli xabarlarda yigitlarimizga qarshi sodir etayotgan oʻzining adolatsizligidan odamlar diqqatini har safar chalgʻitishga urinadi. Eslatib oʻtamiz, joriy yilning fevral oyida boʻlgan yigitlarimiz sudi haqida gʻirt yolgʻon xabar tarqatildi: goʻyo sudlanganlar 2012 yilda tabiiy suratda vafot etgan Peterburg muftisi Jaʼfar Bunchayevga suiqasd qilishga tayyorgarlik koʻrishgan emish.
Oʻsha sudda Sergey Yablokov bilan Raman Ivanovdan iborat ikki shaxs Moskvada qoʻlga olingan oʻnlab “Islomiy Davlat tashkiloti aʼzolari” ortidan hibsga olingan edi. Ertasiga axborot vositalarida hibsga olinganlarning oddiy muhojirlar ekani aytildi. Holbuki, hukm oʻqilgan ikki kun, yaʼni 2016 yil 30-31 mart kunlarida ular “terror tahdidi” toʻgʻrisida tinmay javrashgandi!
Shunga binoan, biz odamlar diqqatini voqea-hodisalardagi ayni “muvofiqlik”ka qaratmoqchimiz. Qarangki, xavfsizlik xizmati Hizb ut-Tahrirni terrorizmga bogʻlayotgan ekan, buni uning aʼzolarini repressiya qilayotganini oqlash uchun qasddan shunday qilmoqda. Sud ishlarida bunga oʻxshash uydirmalarni toʻqib chiqarish xavfsizlik xizmati manfaatiga xizmat qilmaydi. Chunki bu musulmonlar nazarini jalb qilib, ularni xususan, nega Hizb ut-Tahrir aʼzolarini bunchalik uzoq muddatga hukm qilishyapti kabi turli savollarni oʻrtaga tashlashga majbur qilmoqda!
Hizb ut-Tahrirning Rossiyadagi matbuot boʻlimi
Rasmiy sayt: www.hizb-russia.info
Elektron pochta: mediaoffice.htr@gmail.com
