بسم الله الرحمن الرحيم
MODA ORTIDAN QUVISh DEMOKRATIYaNING BALOSIDIR (3)
Gʻarbdagi ayolning qadr-qiymati
Gʻarbda ayolning qadr-qiymati uning zakovati bilan emas, balki uning qanchalik goʻzal ekanligi bilan oʻlchanadi. Shuning uchun Gʻarb aqliyatini koʻtarib yuradigan juda koʻpchilik erkaklar oʻz aloqalarida zakovat oʻrniga shaklni qidiradilar. Ular terisi oppoq, uzun boʻyli, qaddi-qomati kelishgan ayollarni “ovlash” uchun qidirib yuradilar. Agar shunday “ov” yoki “mukofot”ni qoʻlga kiritsalar, yoru doʻstlari va oilalari oldida maqtanadilar. Shuning uchun gʻarbdagi ayol kishining oʻz shakl-shamoyiliga taalluqli narsalar xususida xotirjamlikni his qilmasligi tasodifiy hol emasdir. Negaki u erining yoki koʻngil qoʻygan kishisining boshqa – chiroyliroq yoki qaddi-qomati kelishganroq yoki uzun boʻyliroq yoki oq badanroq – qiz bilan qochib ketishiga yoʻl qoʻymaslikdan ojizdir.
Shuningdek, ayol kishini biron vazifaga tayinlashda va ish joyidagi mansab pillapoyalaridan koʻtarilib borishida uning tashqi koʻrinishi katta ahamiyatga egadir. Bu omil hayotning barcha jabhalarini oʻz ichiga oladi. Masalan, Qoʻshma shtatlarda bir amerikalik ayol oʻzining boshligʻi oldindan ogohlantirmasdan, uning oʻrniga boshqa ayolni ishga tayinlab: “Men maʼnaviyatim koʻtarilishi uchun yoshroq ayolga qarashni istayman”, deb aytganligi haqida kuyinib soʻzladi. Gʻarbda ayol qoʻlga kiritishi mumkin boʻlgan va erkaklardan koʻra koʻproq maosh olishi mumkin boʻlgan ish oʻrinlari moda kiyimlarini namoyish qilish va fohishalik bilan shugʻullanishdir. Yangi liboslarni namoyish qiluvchi bitta mashhur manekenchi ayol gohida bir kunda oʻn ming dollar maosh olishi ham mumkin.
Koʻpchilik ayollar mansab pillapoyalaridan oʻz vazifalarini yaxshi ado qilganligi uchun emas, balki boshligʻi ularga, sodda qilib aytganda, noz-karashma bilan ragʻbat-istaklarini qoʻzgʻaydigan narsa sifatida qarashi asosida koʻtarilib boradi.
Jinsiy zoʻrlashga kelsak, bu iflos illat Gʻarb jamiyatining barcha qatlamlarida keng tarqalgandir. Masalan, Amerika universitet ayollari jamiyati tomonidan 1993 yilda oʻtkazilgan tadqiqot oʻquv yurtlarida taʼlim olayotgan qizlarning 85% jinsiy tegajonlikka duchor boʻlgan. Britaniyaning bosh idorasi taqdim qilgan raqamlar boʻyicha esa Angliya va Uelsdagi har 20 ayoldan 1tasi har kuni zoʻrlashga duchor boʻladi. Amerikaning “Missis” jurnali bergan maʼlumotga qaraganda esa 83,5% erkaklar “Baʼzi ayollar oʻzlarini zoʻrlashlarini istaydigandek boʻlib koʻrinadilarmi?” degan savolga “Ha, shunday”, – deb javob berganlar. (davomi bor).
