Tojikistonda Imomali Rahmon shaxsiga sigʻinishlik
Shu yilning 27 fevralida “Ozodlik” radiosining bergan xabariga koʻra, Hisor tumanining ayol-qizlar qoʻmitasi 60 yoshlar atrofida boʻlgan ilgʻor ayollar roʻyxatini tuzgan. Bu ayollar 200 metr gazmolni oʻzaro oʻrtalarida taqsimlashlari kerak edi. Gap Imomali Rahmonning bogʻ barpo qilishda ishtirok etish uchun Hisor tumaniga borganda, hurmat yuzasidan uning oyoqlariga toʻshalgan poyandoz haqida ketyapti. U mansabdor shaxslarga 200 metrli poyandoz tikilishi kerak boʻlgan gazmolni har bir ayolga 3 metrdan boʻlib berishni topshirgan.
Eslatib oʻtamiz, Imomali Rahmonni millat rahnamosi deb eʼlon qilingandan soʻng, mamlakatda, jumladan, mansabdor shaxslar oʻrtasida ham uning shaxsini ulugʻlash kampaniyasi boshlandi. Masalan, mamlakatda taniqli, diniy ishlar boʻyicha mutaxassis Abdullo Muxaqqiq prezidentning xotini Azizamoni musulmonlarning onasi deb ulugʻlanmish Oysha onamizga qiyoslab, Tojikiston muslima ayollarining rahnamosi deb atashni taklif qildi. Tojikiston milliy universitetining baʼzi fakulьtetlariga “Imomali Rahmon- yangi tojik davlatining meʼmori” deb nomlangan yangi kurs kiritildi.
Imomali Rahmonning qanday davlat rahbari ekanligini uning 23 yillik prezidentlik lavozimida qanday yutuqlarga erishganiga qarab baholasa boʻladi. Tojikiston bugungi kunda yevroosiyoning eng kambagʻal davlati hisoblanadi. 2012 yildagi BMT hisob-kitobiga koʻra, aholining yarmidan koʻpi qashshoqlikda yashaydi. Karnegi fondining tahliliga koʻra, aholining asosiy qismi mehnat muhojirlariga aylangan. Xalqaro bankning hisob-kitobiga koʻra, 2012 yildagi pul oʻtkazmalari milliy VVPning yarmidan koʻpini taʼminlagan.
AQShning xalqaro rivojlanish agentligining maʼlumotlariga koʻra, aholining 30% da vaziyat tang ahvolda. Ayniqsa, balogʻatga yetmaganlarga juda qiyin boʻlayapti. 5 yoshgacha boʻlgan bolalarning 12% da ogʻirlik vaznining yetishmasligi, 26% da esa boʻyining oʻsish va rivojlanishi yeb-ichishning yetishmasligidan oqsamoqda. BMTning maʼlumotlariga koʻra, taʼlim darajasi 88-91 oʻrinlarda qalqib turadi.
Tojikiston xalqi birinchi navbatda musulmonlardir. Avvalambor ular davlat xukmdorining oʻzini oʻzi ulugʻlashidan nafrat etishlari kerak. Islomga koʻra, xukmdor – oddiy fuqaro hisoblanadi. Masalan, adolatli xalifa Umar ibn al-Xattob ulkan hokimiyatga ega boʻlishiga qaramasdan, shu darajada kamtarona hayot kechirdi-ki, Vizantiya imperiyasining elchisi Madinaga kelib, aholidan moʻminlar amirining saroyi qayerdaligini soʻraganda, ular amirning qasri ham, qalʼasi ham yoʻqligini aytishdi.
Bunday paytda uning masjidda dam olishini, chunki kechalari shahar koʻchalarini aylanib, uning aholisi xaqida qaygʻurishini aytishdi. Ismining oʻzigina imperator va qirollarni titratgan amirning bu darajadagi kamtarona hayoti Vizantiya imperiyasi elchisini juda hayratda qoldirdi. Masjidga borib qum ustida uxlab yotgan odamni koʻrib, hayratdan qotib qoldi.
Zolim hukmdor Imomali Rahmon esa, davlatni inson tomonidan oʻylab topilgan qonunlar bilan boshqaradi, kufr davlatlariga xushomadgoʻylik qilib bu vatanni sariq chaqaga sotdi. Islom va islomdan boʻlgan barcha narsalarga qarshi ochiq kurashmoqda. Ollohning qonunini uning qonunidan baland qoʻyganligi uchun musulmonlarni qamab qiynamoqda.
Shuning uchun ham uning oʻrni tarix magʻzavaxonasida, uning choʻzilib ketgan hokimiyat tepasidagi yillari esa mintaqa tarixining eng qora va eng sharmandali sahifalarida qoladi.
Umar Forsiy.
