AQSh senatori Jon Makkeyn 14 fevralda Myunxenda o’tgan xavfsizlik bo’yicha xalqaro anjumanda so’zlagan nutqida, Rossiya Yevropa va Yevropa ittifoqi birligini yo’q qilish maqsadida qasddan Suriya qochoqlari oqimini xosil qilayotganini aytib o’tdi.
Uning so’zlariga ko’ra, Rossiya hukumati Suriyadagi gumanitar vaziyatni ataylab izdan chiqarmoqda.
“Putin so’nggi rusmdagi rus qurollarini sinab ko’rish uchun Suriyadan poligon sifatida foydalanishni xohlamoqda. U Yevropaga zarba berish va Yevropa loyihasini barbod qilish maqsadida yangi qochqinlar to’lqinini vujudga keltirmoqda”, – degan Jon Makkeyn, “Ovqat ustida Putinning ishtahasi ochilib borayotgani”ni qo’shimchalab o’tdi.
“Biz allaqachon Ukrainada bunday lavxalarni ko’rib bo’ldik. Rossiya yangi hududlarni bosib olishda davom etmoqda va gumanitar yuklar etkazib berish bahonasida hududlarga kirib borib, harbiy harakatlarni kuchaytirmoqda. Bu harbiy agressiya deb ataladi va bu ish boryapti, chunki biz bunga imkon beryapmiz”, – deya ta’kidlab o’tdi Makkeyn.
Shu bilan birga senator, agar G’arb o’z ojizligini namoyon etadigan bo’lsa, “Suriyada urush davom etaveradi, odamlar xalok bo’ladi, qochqinlar esa doimiy Yevropaga qarab harakatlanishiga”, ishonchi komilligini aytib o’tdi.
Turkiston:
Makkeyn Rossiyadagi deputat Jerinovskiy singari, mamlakatning ochishi lozim bo’lgan strotegik sirlarini dunyoga jar solib aytib beradigan siyosatchisi hisoblanadi.
E’tibor bering, u “Rossiya Yevropaga zarba berish va Yevropa loyihasini barbod qilish maqsadida yangi qochqinlar to’lqinini vujudga keltirmoqda” deb, so’ng “biz unga shu ishda imkon beryapmiz” dedi. Demak Makkeyn, uni faqat biz to’xtata olishimiz mumkin u bizning ta’sirimiz ostida demoqchi.
AQSh, Rossiya uchun tuzgan tuzog’ini ham sekin yopa boshlayapti. U haqiqatda ham Yevropani shu kungi holatiga olib kelish maqsadida Rossiyadan ham foydalanmoqda. Ya’ni, YeI davlatlarini AQShning olamda olib borayotgan ishlariga burnini suqa olmaydigan, ya’ni aytaylik Germaniya singari AQShga harbiy va boshqa tomonlama muhtoj bo’lgan mintaqaga aylantirib olmoqchi. Endi, Rossiyani butun dunyo uchun xavfli mamlakat qilib qo’yish uchun unga qarshi matbuot hujumini boshladi.
Rossiya Suriya muammosiga kirib olishi bilan, o’zi uchun dunyo siyosatida juda yomon, manfaatsiz va xavfli strotegik yo’nalishni tanladi. U bu yo’nalishni AQSh bilan birga kelishilgan holatda tanlagan bo’lishiga qaramay, Rossiya uchun loihaning eng iflos va xavfli tomoni ajratilib berildi. Chunki bu reja ishlab chiqilayotganida Rossiyaning emas, o’sha vaqtdagi Putinning rejimining vaqtinchalik manfaatlari asos qilingan edi. Putin hozir ham o’sha Rossiyaning manfaatlariga zid bo’lgan, mamlakatni halokatga uchratishi mumkin bo’lgan loihadan chetlash niyati yo’q. To’g’rirog’i, Rossiya parokanda bo’lib ketsa ham, uning rejimi shu yo’ldan oxirigacha boraverishdan o’zga chorasi yo’q.
Putin AQShdan muruvvat kutadi. U o’z hokimiyatini o’ta zaif va nochor bo’lsa ham, Rossiya etakchiligida saqlab qolishidan umid qiladi. Putin mintaqada, ya’ni Yevropada, Eronning o’rnida ish olib borib bo’lsa ham o’zining umrini saqlab qolmoqchi. Ya’ni, butun YeIni AQSh manfaatlari uchun qo’rquvda ushlab turib berish maqsadida, o’rtalarida maxfiy kelishim tuzib, harbiy holat joriy qilib, Rossiyada Putinning diktatorlik rejimini paydo qilib olib bo’lsa ham shunday qilmoqchi. Bu xuddi Shimoliy Koreya rejimi va avvalgi Iroqdagi Saddam rejimi singari uzoq yillar umr ko’rishi mumkin. Putin Rossiyada doim G’arbni so’kib turadigan, lekin o’zi AQShning chizgan chizig’idan chetga chiqa olmaydigan sistema o’rnatib olmoqchi.
AQSh esa, masalaning har tomonlarini ko’rib chiqib, o’zi, faqat o’zi uchun eng manfaatli tomonini amalga oshirishga harakat qilayapti. U Putindan xuddi Karimov yoki Eron rejimlaridan foydalanayotgandek foydalana olsa, dunyodagi boshqa mamlakatlar ham shunga rozi bo’lishsa yoki majbur bo’lishsa, Putinning o’zini Rossiyaga harbiy diktator qilib olib qolishadi. Yaqinda Jon Kerri “nima bizni Rossiyaga qarshi urush ochishimizni istaysizlarmi” deya kesatib gapirgan gaplari bunga dalolat qiladi. Kerak bo’lsa AQSh, o’zini Rossiyadan hadiksirayotgandek, uni tiyib qo’yish qo’lidan kelmaydigan holatda qilib ko’rsata oladi. AQShning quvvati Rossiyanikiga teskari o’laroq, o’z maqsadiga erishish yo’lidagi ana shu siyosiy sovuqqonligida.
