وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ
“Oralaringizda yaxshilik (Islom)ga da’vat qiladigan, ma’ruf-ezguliklarga buyuradigan, munkar-yomon ishlardan qaytaradigan bir jamoat bo’lsin! Ana o’shalar najot topguvchilardir”. [3:104]
Alloh Taoloning mazkur buyrug’iga asosan bir qancha islomiy jamoalar, shu jumladan, Hizb ut-Tahrir jamoasi ham vujudga keldi. Allohga hamdu sanolar bo’lsinki, Hizb ut-Tahrir vujudga kelgan kundan to hozirgi kunga qadar Allohning kalomi, payg’ambarimiz Muhammad sallollahu alayhi va sallam sunnatlarini mahkam ushlagan holda harakat qilib kelmoqda.
Hizb ut-Taxrir siyosiy Hizb bo’lib, mabdasi Islomdir. Hizb Ummat Islomni o’zining taqdiriy masalasi qilib olishi uchun va Alloh nozil qilgan hukmlar bilan boshqarishni hayotga qaytarish maqsadida Ummatga etakchilik qilish uchun Ummat orasida va u bilan birga faoliyat olib boradi. Hizbning ishi islomiy da’vatni siyosiy yo’l bilan maydonga olib chiqishdir. Hizb bu yo’lda qancha qiyinchiliklarga duchor bo’lsa ham Allohning izni bilan maqsad sari ildam harakat qilib kelmoqda.
Biz, Qirg’iziston Hizb jamoasi ham islomiy da’vatni maydonga olib chiqish yo’lida hukumat rahbarlariga bir qancha bayonotlar bilan chiqib, ularga nasixat qilib kelmoqdamiz. Bundan keyin ham o’z maqsadimiz sari harakatlanar ekanmiz, nasixatlarimizni davom ettiraveramiz, inshaAlloh.
Payg’ambar sollallohu alayhi vasallam dedilar:
“Har biringiz ro’iy (rahbar) va har biringiz o’z raiyatingizdan (qo’l ostingizdagilardan) mas’ulsiz. Imom ro’iy va u o’z raiyatidan mas’uldir. Erkak kishi o’zining oilasida ro’iy va u o’z raiyatidan mas’uldir. Ayol kishi erining uyida ro’iya va u o’z raiyatidan mas’uldir. Xizmatchi xojasining mol-mulkida ro’iy va u o’z raiyatidan mas’uldir. Xullas, har biringiz ro’iy (rahbar) va o’z raiyatingizdan mas’ulsiz”. (Muttafaqun alayh).
Insonlar, xalqlar ustida rahbarlar, amirlar bo’lishi va ular, xoh oddiy fuqaro bo’lsin, xoh rahbar qonun oldida barobar bo’lishi va itoat qilishlari zarur. Agar jamiyat muayyan mabdaga asoslangan bo’lsa, shu mabdadan kelib chiquvchi qonunlar vujudga keladi. Agar bu mabda inson zehnida vujudga kelgan bo’lsa, shubhasiz xato bo’ladi. Chunki, inson zexnida paydo bo’lgan mabda qarama-qarshilik va ziddiyatlarni paydo qiladi. Bu qarama-qarshilik va ziddiyatlar esa insonni baxtsizlikka mubtalo qiladi. Bunga sabab insonning cheklangan aqli bilan ishlab chiqilgan qonunlar tafovutli, ziddiyatli, xilma-xil va o’zi yashab turgan muhitdan tasirlanishga mahkum. Qachonki mabda inson fitratiga mos kelsa, aqlni qanoatlantirsa va qalbga xotirjamlik baxsh etsagina to’g’ri mabda bo’ladi. Albatta, bu mabda Islomdir, u ilohiydir.
So’ngi o’n yillikda Qirg’izistonda ikki marta davlat to’ntarishi bo’lib o’tdi. Hokimiyatni qo’lga olgunga qadar muxolifat tomonidan qanchadan qancha va’dalar qilingan bo’lmasin, birortasi ham amalga oshirilmadi. Bu to’ntarishlarni o’zlari va dunyo jamoatchiligiga ulkan o’zgarish, revolyutsiya deb atashdi. Ammo hech narsa o’zgarmadi, xalq aldandi. Hozirgi hukumat ham ag’darilish arafasida turipti. Bakiev davridagi hukumatga ham, ummatni va qirg’iziston xalqining tub manfaatlariga ziyon etkazishdan va ularga zulm qilishdan tiyilinglar deb nasixatlar qilganimiz, ammo ular amal qilishmadi. Natijasini esa ko’rib, bilib turibsizlar. Hozirgi hukumatni ham Yevroosiyo iqtisodiy ittifaqiga a’zo bo’lishlikning salbiy oqibatlaridan ogohlantirib o’tgan edik. Ammo hukumat bir qancha xatolarga yo’l qo’ymoqda.
Bojxona ittifoqi Qirg’iziton xalqiga foyda bermasligini, uning natijasida ishsilar soni oshishini, davlat kirimlari tez sur’atda pastlab, tashqi aloqalar to’xtab qolishligi, mamlakat ichkarisida ishlab chiqarish falaj xolatga kelishi haqida ogohlantirgan edik. Afsuski, hukumat rahbari va deputatlar oddiy xalqdan sir tutilgan “yo’l xaritasini” bir ovozdan ma’qullab, mamlakatni ittifoqqa olib kirishdi. Hatto chorvachilik va bog’dorchilik ham dunyo sandartiga javob berolmaydigan bo’lib qoldi. Kichik ishlab chiqarish, savdo markazlari davlat to’lovlariga toqat qila olmay qoldi. Bu ketishda tez kunda mamlakat qashshoqlik darajasiga tushib ketadi. Xatolar ustiga xatolar sodir etilmoqda. Hukumat esa xuddi xalq uchun ulkan ishni amalga oshirib qo’yganidek ko’krak kerib yuribdi.
Bosh vazir Temir Sariev Xitoyga qilgan safaridan mamnunligini bildirdi. Sarievning bu safarida qo’lga kiritgan “eng ulkan yutug’i” ikki davlat o’rtasida vizasiz tartibni joriy etish masalasi ko’rib chiqilishi bo’ldi. Bu aloqa mamlakatni butunicha boy berishlik emasmi? Bu aloqa ortidan boshqa manfaatsiz aloqalar vujudga kelishini bilasizlarmi? Qonun ustida bosh bo’lib turgan amaldorlar qayoqqa qarayapsiz? Qirg’iziston mamlakatini hammangiz bir bo’lib yo’q qilish niyatidamisizlar? Ota-bobolarimiz Oq podshoga mardikor bo’lishdan bosh tortib qo’zg’olon ko’tarib, shahid bo’lganlarini yodingizdan chiqardingizmi?
Mustaqilmiz deb ko’kragingizga urib, shu kunni bayram qilib nishonlaysizlar. Yo’q, sizlar mustaqil emas, balki boshqa davlatlarga qaramsizlar. Qachon xalq haqida o’ylaysizlar? Xalq eb to’ymas amaldorlardan to’yib borayotganini bilyapsizlarmi? Sizlar xalqning ruxiy va moddiy farovonligi haqida g’amxo’rlik qilsangiz xalq ham sizlarni o’z ko’z qorachig’idek asraydi. Aks holda holingizga voy! Bu dunyoda xorlik, oxiratda esa qattiq azob kutib turipti.
Har bir muammoga Islom dinida go’zal echimlar bor. Hizb ut-Tahrir jamoasi a’zolari butun insoniyatga, shu jumladan, Qirg’iziston xalqiga: – Olloxning diniga yordam beringlar. So’ng faqat Olloxdan nusrat kelishiga tayanib, makkor kufr sistemasidan umidinglarni uzib, ulardan qo’linglarni tortinglar. Buni anglab etishinglar uchun yana qancha aziyat chekishinglar kerak! Kufr tashkilotlari, faqat kufr manfaatlari uchun xizmat qiladi! deb yana murojaat qiladi.
Sayfulloh
