Xolid Mash’al: Biz haqiqiy intifozada yashamoqdamiz, boshqa guruhlar uni qo’llab-quvvatlashlari lozim!!!
«Hamas» islomiy qarshilik harakatining siyosiy bo’limi raisi Xolid Mash’al Quddus va Falastindagi turli mintaqalar haqiqiy intifozada (qo’zg’olonda) yashamoqda, dedi. So’ng Falastin yarashuv hujjatlarini saralab o’tirmay barchasini hal etish uchun Fath bilan uchrashishga tayyor ekanini ta’kidladi.
U Falastin rahbariyatiga murojaat qilib, unga «Bu tarixiy lahzadir, Quddus intifozasiga tayanch bo’lishingiz zarur», dedi. Fath va boshqa Falastindagi tashkilotlarni bugungi intifozani qabul qilishga chaqirdi hamda «Bu intifoza etakchilar va siyosatchilar o’z otalig’iga olmaganidan nolimoqda», dedi. So’ng ayrim doiralar intifozaga qo’shilishdan ikkilanayotganini ta’kidladi.
Mash’al Al-Jaziraning «Maxsus uchrashuv» nomli programmasida – bu zaminda oqizilgan shahidlar qoni Aqsoni bo’lib tashlash loyihasini to’xtatib qolganini aytdi hamda «Odamlar intifoza so’zini qanday tushunishmasin, bugungi manzara intifoza manzarasi» ekanini bildirdi.
So’ng bugungi hodisalar kurash va qarshilikning mohiyati ekanini, bu hodisalar Quddus, G’arbiy Qirg’oq shaharlari, lagerlar, hatto – bugun bosqinchilik yo’q bo’lsada – G’azodagi va 48 yilgi mintaqalardagi xalqlarni birlashtiruvchi intifoza ekanini urg’uladi.
Mash’alning fikricha, intifoza qolipi har bir bosqichda o’zgarib turganidek, bugungi intifoza qolipi ham avvalgi intifozalardan farq qiladi va bu – uning qo’shimcha qilishicha – «haqiqiy intifozadir».
U «Bu haqiqiy intifozadir», deya qo’shimcha qilar ekan, ayni intifoza Falastin masalasini zehnlarimizga qayta o’rnashtirmoqda, dedi. Siyosiy guruhlarni, xususan, Fath harakatini intifozaga qo’shilishga da’vat qildi hamda Hamasning intifozaga kirganini ta’kidlar ekan, «Biz Hamasdagilar ayni intifozani oxirigacha davom ettiramiz», dedi (Al-Jazira net).
Roya gazetasi sharhi:
Bu Hamas siyosiy bo’limi raisi Quddus intifozasiga tayanch bo’lishni talab qilish uchun Falastin rahbariyatidan boshqasini topmadi. Holbuki, bu rahbariyat xavfsizlik masalasida yahudiylar davlati bilan kelishgan holda ish olib bormoqda. Shuningdek bu rahbariyat Amerikaning yahudiylar xavfsizligini himoya qilishdagi bir qurolidir! Hamas siyosiy bo’limi raisining intifoza uchun tayanch haqida so’z yurita turib, Falastin ahli va ularning intifozalari uchun haqiqiy tayanchni tilga olmasligi juda g’alati, hatto qoralanishga loyiqdir!! Zero, bu ta’yanch barcha kuch-qudratga, asosan, armiyaga ega bo’lgan Ummatdir. Shu o’rinda, biz Xolid Mash’al janoblariga savol bermoqchimiz: Yahudiylar davlati G’arb davlatlari tomonidan o’rtaga tashlangan tinchlik echimi bo’yicha yurishi uchun sizlar shu pichoqlar intifozasini unga bosim o’tkazish vositasi deb hisoblaysizlarmi va shuning uchun qarshilikni qurollar bilan emas, balki pichoqlar bilan davom ettirishning hech bir zarari yo’q deb bilasizlarmi??!! Falastinning yahudiylar tomonidan bosib olinganligi, demak uni butunicha ozod etish vojibligi hamda bu ish faqatgina musulmonlarning haqiqiy kuchlarini safarbar qilish bilan amalga oshishi masalaning asosi emasmi?? Nega Falastin masalasining yagona, to’g’ri echimi sifatida aynan mana shu ishga barcha diqqat-e’tiboringizni qaratib, uni qabul qilmaysiz va unga chaqirmaysiz?!! Qo’lida pichoqdan o’zga quroli yo’q kishi Allohning oldida uzrlidir. Chunki u Falastinni ozod etishdan ojiz, albatta. Biroq siz ayrimlari bilan aloqa o’rnatib kelayotgan Turkiya, Eron singari islomiy yurtlar armiyalari qayda qoldi?!!
Roya gazetasining 2015 yil 9 dekabr chorshanba kungi 55-sonidan.
