Saudiya Arabistoni va Isroilning ba’zi yuqori darajali mas’ullari Eronning O’rta Sharqdagi faoliyatlariga to’siq qo’yish uchun beshinchi marta maxfiy o’chrashuv o’tkazgani oshkor bo’ldi. Xabarlarga ko’ra, bu ikki davlat 2014 yildan buyon besh marta uchrashib, mushtarak dushman sanalmish Eronga aloqador mavzularni muhokama qilib kelmoqda. Oxirgi uchrashuv markazi Voshingtonda joylashgan “yahudiy tushuncha” agentligining tashqi aloqalar kengashi vositachiligida amalga oshirilgan.
Agentlikda amalga oshirilgan oxirgi uchrashuvda Saudiyalik sobiq general Anvar Majid Ashkiy, shaxzoda Bendar bin Sulton, Isroilning AQShdagi sobiq elchisi Dore Gold ishtirok etib o’zaro muzokara olib borishdi. Muzokara chog’ida Eron masalasiga e’tibor qaratilib, uning O’rta Sharqdagi kengayishiga to’siq qo’yish masalasi muhokama qilingan.
Uchrashuvda Anvar Majid Ashkiy Eronning 1979 yildan keyingi tarixi haqida so’z yuritgandan so’ng, Eron hukumati terror xurujlarini amalga oshirganligini da’vo qilib, uning nufuzi O’rta Sharqda kengayishiga to’siq bo’ladigan etti moddadan iborat rejani taklif qildi. Moddalardan biri Isroil va arab davlatlari o’rtasida tinchlikni ta’minlash, ikkinchisi esa Eron rejimini o’zgartirish uchun faoliyat olib borishni o’z ichiga oladi. Shuningdek, moddalardan yana biri Arab davlatlari ligasi mintaqada mushtarak kuch tashkil qilishga va Eron, Turkiya va Iroq erlarida mustaqil kurd davlati barpo qilishga qatilgan.
Isroil elchisi Gold esa o’z nutqida Saudiya Arabistoni bilan barcha fikrlardagi qarama qarshiliklar hanuz hal bo’lmaganligini qayd etar ekan, yaqin kelajakda bu masala hal bo’lishiga umid bildirdi. Isroil va Saudiya mas’ullari o’rtasida o’tgan bahslarning asosiy qismi Eron davlatining G’arb davlatlari bilan olib borayotgan yadroviy dasturga qaratildi. Ikki davlat vakillari ham bu muzokaralardan tashvishda ekanliklarini qayta-qayta takrorlashdi.
Saudiya Arabistoni va Isroil o’rtasida o’tgan avvalgi o’zaro uchrashuvlar Hindiston, Italiya va Chexiyada bo’lib o’tgan edi. Saudiya Arabistoni Isroil davlatini og’izda tan olmaydi. Ammo 1990 yillardan boshlab Qatar va Birlashgan Arab amirliklari kabi ba’zi davlatlar josuslik qilish uchun Isroilga eshiklarini lang ochib qo’yishgan.
