Xitoy hukumati uyg’ur musulmonlarini oshkora ravishda ommaviy qirg’in qilmoqda. Bu qirg’inlar shundoqqina ko’chalarda, dunyoning ko’z o’ngida amalga oshirilyapti. O’rta Osiyodagi Sovet ittifoqidan qolgan rejimlar esa musulmonlarni – erkagu ayol, yoshu qari demay – zindonlarga tashlab ayovsiz qiynoqqa solmoqda. Qiynoq ostida jon taslim qilgan shahidlarning keti uzilmayapti. Ammo Islom o’lkalaridagi rahbarlar bir qancha yillardan buyon bu holatni lom-mim demay, jimgina kuzatib kelmoqda.
Shu bois Hizbut Tahrir – Turkiya viloyati kommunist Xitoy hukumati zulmi ostida qolib ingrayotgan Sharqiy Turkistondagi musulmonlarni himoyasi uchun va O’rta Osiyodagi rejimlar qamoqxonalarida aziyat chekayotgan barcha musulmon aka-ukalarimiz va opa-singillarimizning himoyasi uchun norozilik yurishiga barcha musulmonlarni da’vat qiladi.
Bu norozilik yurishini tashkil qilishdan ko’zlangan maqsad Xitoy, Rossiya va O’rta Osiyodagi zolim rejimlar Musulmonlarga nisbatan tinimsiz amalga oshirayotgan zulmlarni dunyoga oshkor qilish va bu zulmlarga jimgina qarab, tomosha qilib turgan Islomiy o’lkalardagi sukunatni buzish hamda barcha musulmonlarni o’z birodarlarini himoya qilish uchun bel bog’lashga da’vat qilishdir.
Yurish 10 may yakshanba kuni peshin nomozidan so’ng Istambuldagi Fotih jome masjididan Sarancha maydonigacha davom etadi. So’ngra Sarancha maydonida Sharqiy Turkiston va O’rta Osiyoda musulmonlarga nisbatan amalga oshirilayotgan zulmlar haqida bayonotlar beriladi. Bu zulmlarga nisbatan e’tiborsiz bo’lmagan musulmonlarni norozilik yurishiga da’vat qilamiz. Zulmga sukut saqlash bilan zolimga sherik bo’lmang!
