Qirg’iziston Jo’gorku Keneshning 23 kuni bo’lib o’tgan majlisida mamlakat Bosh vaziri Jo’mart O’tarbaev iste’fo berishini ma’lum qildi.
“Hukumat ishini qoniqarli deb qabul qilganingiz uchun rahmat. Bu bir kishining mehnati emas. Demokratik mamlakatda hokimiyat monopoliyasi bo’lmasligi kerak. Fikrimcha, yaxshiroq ishlashi uchun hukumat shohlarini yana bir bor silkitish zarur, shu sababli egallab turgan lavozimimdan ketishimni ma’lum qilaman”, – dedi O’tarbaev.
“Mening iste’foga chiqish to’g’risidagi qarorim, hukmron koalitsiya uchun yanada qat’iyatli bosh vazir tanlash imkonini beradi, deb o’ylayman. Mamlakatimizda va hatto sizlarni orangizda ham bunday nomzodlar bor”, – dedi sobiq bosh vazir.
Turkiston:
Qirg’izistonni Rossiya etovidagi Yevroosiyo iqtisodiy ittifoqiga a’zo bo’lib kirishiga sanoqli kunlar qolganda bosh vazirning iste’foga chiqishi hukumat ichida fikriy yaxlitlik etishmayotganiga dalolat qilib turipti.
Bosh vazirning iste’foga ketishiga asosiy sabablardan biri “Qumtor” oltin koni bilan bog’liqligi aniq. Chunki, Jo’mart O’tarboev parlament tomonidan talab qilingan oltin konini milliylashtirish yoki qo’shma korxona tashkil etish mamlkat uchun foydasiz deb hisoblagani uchun bu vazifani bajarishdan bosh tortgan va kerak bo’lsa iste’foga ketishga tayyor ekanligini ma’lum qilgan edi. Tabiiyki, bosh vazir o’z ihtiyori bilan iste’foga ketgani yo’q. Chunki, kuni kecha Qirg’izistonga tashrif buyurigan “Oracle Capital Group” kompaniyasi vakillari bilan oltin koni masalasida muzokalar olib borayotgan edi. Endi esa bosh vazir yo’qligi sababli bu muzokalar qanday yakun topishi noaniq bo’lib qoldi. Prezident Almazbek Atambaev xuddi sobiq bosh prokuror Aida Salyanovani qo’llovsiz tashlab qo’ygani kabi Jo’mart O’tarbaevni ham qo’llab-quvvatlamadi.
