2014 yilning 3 noyabr kuni Ala-Archa davlat qarorgohida prezident Almazbek Atamboev raisligida Mudofaa kengashining navbatdagi yig’ilishi bo’lib o’tgan va mazkur yig’ilishda Mudofaa kengashi “Din sohasida 2014-2020 yillarga mo’ljallangan davlat siyosati to’g’risi”dagi konseptsiyani tasdiqlash to’g’risida qaror qabul qilgan edi. Prezident matbuot xizmatining xabar qilishicha, Almazbek Atamboev 17 noyabr kuni qarorni imzoladi.
Mazkur qarorga muvofiq, Mudofaa kengashining 2014 yil 3 noyabr kuni qabul qilgan qarorini amalga oshirish maqsadida, inson huquqlarining asosiy tamoyillar, vijdon va din erkinligini himoya qilish, davlatning tartibga solish va diniy guruhlar bilan o’zaro harakatlari tizimini shakllantirish, qonunchilik va jamoat xavfsizligini yanada mustahkamlash, shuningdek Qirg’iziston xalqining madaniyati, tili va ma’naviy boyliklarini saqlash bo’yicha choralar ko’rish zarurligi, mamlakatni o’ziga xos rivojlanishini ta’minlash yo’lida 2013-2017 yillarda Qirg’iziston respublikasini barqaror rivojlanishni milliy strategiyasini ishlab chiqish belgilandi.
Shu bilan birga, QR hukumatiga, din ishlari bo’yicha davlat komissiyasi ishtirokida Mudofaa kengashi a’zolarining takliflarini hisobga olgan holda 2015 yilning 1 yanvariga qadar konseptsiyani amalga oshirish bo’yicha rejalarini ishlab chiqish hamda chora-tadbirlarni amalga oshirishni moliyaviy ta’minlash, qaror ijrosi uchun javobgar idoralar va shaxslarni belgilash vazifasi topshirildi.
Bundan tashqari, QR din ishlari bo’yicha davlat komissiyasiga Mudofaa kengashining ishchi gurihi bilan birgalikda OAV va boshqa fuqaroviy jamiyatlar bilan hamkorlikni ta’minlash, aholi va diniy tashkilotlarni konseptsiyani asosiy tamoyillari va uni amalga oshirish yo’llari bilan keng tanishtirish yuklatildi.
Qaror rasmiy e’lon qilingan kundan boshlab kuchga kirishi belgilab o’tildi
