Rossiya xorijdagi harbiy bazalarini, jumladan O’rta Osiyoda joylashgan bazalarini aktiv holga keltirishni davom ettiradi. Bu haqida Rossiya mudofaa vaziri Sergey Shoygu vazirlikning umumiy majlisida bildirdi.
“Biz xorijdagi harbiy bazalarimizni, xususan Qirg’iziston, Tojikiston va Armanistondagi harbiy bazalarimizni kuchaytirishni davom ettiramiz”, dedi Rossiya mudofaa vaziri.
Yig’ilishdan biroz avval Sergey Shoygu Rossiya qurolli kuchlari Belorusiyada ham harbiy faoliyatini boshlaganligini bildirib o’tdi. “Interfaks” axborot agentligi tarqatgan xabarga ko’ra, Rossiya sobiq sovet ittifoqi davlatlaridan biri bo’lgan Belorusiyaga ham o’z harbiylarini joylashtirgan.
“Biz Belorusiyada asosiy rejalarimizga mos shaklda Rossiya armiyasini joylashtirdik va harbiylarimiz u erda faoliyatlarini boshladi”, dedi Shoygu agentlikka bergan intervyusida.
