Rossiya prezidenti 2014 yilning kuzida Tokioga safar qilishi rejalashtirilgan edi. Biroq, Yaponiyada chop etiladigan “Kyodo” nashrining xabar qilishicha, AQSh so’roviga binoan Yaponiya Bosh vaziri Sindzo Abe Putin safarini kechiktirdi.
Nashrning hukumatga yaqin manbasining so’zlariga ko’ra, Vashington Bosh vazir Sindzo Abega Putinning safarini qoldirishni so’rab murojaat qilgan.
“Ukraina inqirozi ortidan AQSh va Yaponiya birgalikda Rossiyaga nisbatan cheklovlar joriy qilgan Yevropa davlatlari bilan hamqadam borish zarurligini Tokio tushunib turipti,”- dedi manba.
Manbaning qo’shimcha qilishicha, Yaponiya bosh vaziri Rossiya prezidenti bilan noyabr oyida Pekinda bo’lib o’tadigan Osiyo-Tinch okeani iqtisodiy hamkorligi sammitida uchrashish niyatida. AQSh va Rossiya o’rtasidagi munosabatlarga qarab Putinning Tokioga safari kelasi yilning bahoriga yoki keyinroqqa belgilanishi mumkin.
