“Agence France-Presse” nashrining xabar qilishicha, Afg’onistonning yangi saylangan prezidenti Ashraf G’ani Axmadzay o’zining siyosiy raqiblari bo’lgan Tolibon harakati va Hizb ut-Tahrir siyosiy partiyasini tinch muzokaralar o’tkazishga chaqirdi.
“Biz hukumatdagi raqiblarimiz, xususan Tolibon va Hizb ut-Tahrirni siyosiy muzokaralar o’tkazishga chaqiramiz”, – dedi prezident Ashraf G’ani Axmadzay.
21 sentyabr kuni Afg’oniston mustaqil saylov komissiyasi Ashraf G’ani Axmadzayni prezidentlik saylovlarida g’olib chiqqanini e’lon qilgan, 29 sentyabr kuni esa yangi prezident qasamyotga keltirilgan edi.
