Eron tashqi ishlar vazirining noibi Husayn Amir Abdullahiyon agar Suriyada Bashar Asad rejimi qulaydigan bo’lsa Isroil xavfsizligiga tahdid tug’ilishidan ogohlantirdi. Abdullahiyonning ta’kidlashicha, Suriyadagi siyosiy o’zgarishlar juda ko’p vahimali oqibatlarni keltirib chiqaradi.
Shu vaqtgacha – faqat tilde b o’lsa ham – Isroilga la’natlar yog’dirib kelgan, hatto Isroilni jahon kartasidan o’chirib tashlash kerak deya jar solib kelayotgan Eronning bu pozitsiyasi diqqatga sazovordir.
Eron matbuoti tarqatgan xabarga ko’ra, Voshington bilan aloqaga chiqqan Abdullahiyon AQSh hukumatini bu tahdiddan ogohlantirgan.
“Bu haqida AQSh hukumatini etarli darajada ogohlantirdik. Agar terrorizmga qarshi kurash vositasida Suriya rejimi o’zgarishi muqarrar bo’lsa yahud rejimining xavfsizligi hargiz ta’minlanmaydi”, “IShIDga qarshi kurash nomi ostida Suriya rejimini o’zgartirishga sabab bo’ladigan har qanday uslub va amal AQShga va uning kolitsiyasiga hamda yahud rejimiga vahimali oqibatlarni keltirib chiqaradi”, dedi Eron tashqi ishlar vazirining noibi.
“Biz Suriya prezidenti Bashar Asadni abadiy saltanatda qolishini istamaymiz. Lekin ayni vaqtning o’zida terrorchilarga (Mujohidlarga) qarshi kurash mehvari hisoblangan Suriya rejimining qulashiga aslo ruxsat bera olmaymiz ”, deya qo’shimcha qildi u.
Eslatib o’tish lozimki, AQSh IShIDga qarshi kurash nomi ostida yaqin Sharq mintaqasidagi jihodiy guruhlarga qarshi koalitsiya tuzgandandan so’ng Turkiya ham bu koalitsiyaga ishtirok etishini e’lon qildi. Biroq Turkiya bosh vaziri Ahmad Dovuto’g’li bu koalitsiyaga ishtirok etishi uchun IShIDga qarshi uyushtirilgan hujum Asad rejimini ham o’z ichiga olishini shart qilib qo’ydi.
Eron tashqi ishlar vazirining noibi Husayn Amir Abdullahiyon bu borada Turkiya mas’ullarini ham ogohlantirganini eslatib o’tdi.
